Pisalema 119:1 - BIBELE Mahungu Lamanene

¹ Ku katekile vanhu lava mahanyelo ya vona ma tengeke, lava landzaka nawu wa HOSI.

Xitsonga (Bibele)

¹ Ku katekile lava tengeke emahanyelweni ya vona, Lava fambaka enawini wa Yehovha!

Pisalema 119:1 Referans Kwoze

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Ezekiele 11:20

Hikokwalaho va ta hlayisa milawu ya mina ni swiletelo swa mina, va famba ha swona, kutani va ta va vanhu va mina, mina ndzi va Xikwembu xa vona.

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Pisalema 128:1

Ku katekile munhu un'wana ni un'wana loyi a chavaka HOSI Xikwembu, la fambaka etindleleni ta xona.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Pisalema 112:1

Dzunisani HOSI! Ku katekile munhu loyi a chavaka HOSI Xikwembu, la rhandzaka ku endla leswi xi lerisaka swona.

Swivuriso 11:20

Vanhu va mianakanyo yo gombonyoka, HOSI Xikwembu xa va nyenya, kambe xi tsakela lava pfumalaka xisandzu.

Timhaka 24:16

Hikokwalaho ndzi ringeta hi matimba, masiku hinkwawo, ku kumeka ndzi ri la ntshunxekeke eripfalweni ra mina, emahlweni ka Xikwembu ne mahlweni ka vanhu.

Pisalema 101:2

ndzi navela ku famba hi ndlela leyi nkhensekaka. Xana u ta ndzi endzela rini xana? Emutini wa mina, ndzi ta rhandza ku hanya hi mbilu leyi tengeke,

Hosiya 14:9

Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Nhlavutelo 22:14

Ku katekile lava hlantswaka tinguvu ta vona, leswaku va ta pfumeleriwa ku dya murhi wa vutomi, ni ku nghena emutini hi tinyangwa ta wona.

Pisalema 101:6

Vaaki va tiko lavo tshembeka, ndzi ta va tsakela, ndzi va rhurhela emutini wa mina; vanhu va mahanyelo lamanene, hi vona lava ndzi nga ta va hlawula leswaku va ndzi tirhela.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Ntirho 1:8

HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

2 TIHOSI 20:3

“We HOSI ndza ku khongela, tsundzuka hilaha ndzi hanyeke hakona emahlweni ka wena, hi ku tshembeka ni mbilu yo basa, ndzi ri karhi ndzi endla leswi lulameke emahlweni ka wena.” Kutani Hezekiya a rila swinene.

Swivuriso 13:6

Ku lulama swi sirhelela munhu wo tshembeka, kambe vudyoho byi lahlekisa lavo homboloka.

2 SAMIELE 22:22

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

Swivuriso 29:18

Vanhu lava nga kumiki switsundzuxo swa HOSI Xikwembu, va ta tshika milawu; ku katekile lava hlayisaka nawu wa HOSI Xikwembu.