Pisalema 118:24 - BIBELE Mahungu Lamanene

²⁴ Leri i siku leri vekiweke hi HOSI, a hi tlangeleni, hi tiphina ha rona.

Xitsonga (Bibele)

²⁴ Hi rona siku leri endliweke hi Yehovha, A hi tsakeni, hi tsakela rona!

Pisalema 118:24 Referans Kwoze

Pisalema 84:10

Hakunene ku tshama siku rin'we ntsena eTempeleni ya wena, swi tlula ku tshama masiku ya khume ra madzana kun'wana. Ndzi ngo tsakela ku yima kunene enyangweni ya Tempele, we Xikwembu xanga, ku ri na ku tshama ni lava va nga ku khongeriki.

Esaya 58:13

HOSI Xikwembu xi ri: “Mi nga rhendzeleki-rhendzeleki hi siku ra Savata, mi nga endli leswi mi swi rhandzaka esikweni ra mina lero hlawuleka; siku leri, mi fanele ku ri tsakela mi ri xixima, hikuva i siku ra mina lero hlawuleka; ri xiximeni, mi nga yi lomu mi ku tsakelaka, kumbe ku endla leswi mi swi rhandzaka, naswona mi nga vulavuli swo huma ndleleni hi siku leri.

Nehemiya 8:10

Fambani, mi ya tidyela nyama leyi noneke, mi nwa ni vhinyo leyo tsokombela; lava pfumalaka swakudya, mi va nyika. Siku leri ri hlawuleriwile N'wini wa hina, kutani mi nga tshuki mi rila, hikuva ntsako lowu HOSI yi mi nyikaka wona wu ta mi tiyisa.”

1 TIHOSI 8:66

Hi siku ra vu-8, Solomoni a pfala nkhuvo, vanhu va hangalaka va ri karhi va n'wi nkhensa swinene, va ya emakaya va tsakile ngopfu, va tlangela ku saseka ka hinkwaswo leswi HOSI Xikwembu xi swi kombeke Davhida nandza wa xona ni Vaisraele vanhu va xona.

Nhlavutelo 1:10

Kutani, hi siku ra Hosi, ndzi tela hi Moya, ndzi twa rito leri huwelelaka hi le ndzhaku ka mina, ri pfuma kukota nanga,

Timhaka 20:7

Hi siku ra Muqgivela nimadyambu, loko hi hlengeletene ku phema xinkwa, Pawulo a vulavula na va le Trowasi, a lehisa ku vulavula ka yena ku ya fika exikarhi ka vusiku, hikuva a a lava ku famba ni mixo wa kona.

Zakariya 3:9

Emahlweni ka wena Yoxuwa, ndzi ta veka ribye leri nga ni matlhelo ya 7; ehenhla ka ribye rero, ndzi ta kevetlela marito, kutani ndzi ta susa nandzu wa tiko leri hi siku rin'we ntsena. Ndzi vurisa sweswo, mina HOSI ya matimba hinkwawo.