Pisalema 118:12 - BIBELE Mahungu Lamanene

¹² Va ndzi hlengerile kukota tinyoxi, kambe va hatle va nyamalala, onge i ndzilo wa mavivi. Ndzi va hlurile hi vito ra HOSI.

Xitsonga (Bibele)

¹² Ma ndzi rhendzele tani hi tinyoxi, Ma ta timeka kukota ndzilo wa mitwa! Hi vito ra Yehovha, kunene, ndzi ta ma herisa.

Pisalema 118:12 Referans Kwoze

Duteronoma 1:44

Kutani Vaamori lava a va tshama emagangeni walawo, va huma ku fana ni tinyoxi, va mi hlasela emagangeni ya Seyira, va mi hlongorisa ku ya fika eHorma.

1 SAMIELE 17:45

Davhida a hlamula Mufilista a ku: “U ndzi tela u khomile banga, ni tlhari lerikulu, ni leritsongo, kambe mina ndzi ta eka wena hi vito ra HOSI ya matimba hinkwawo, Xikwembu xa mavuthu ya Israele lawa u ma pfukeke.

Pisalema 20:5

Hi ta ba minkulungwana hi tlangela ku hlula ka wena, hi yimisa mijeko ya hina hi vito ra Xikwembu xa hina. HOSI Xikwembu a xi ku nyike hinkwaswo leswi u swi kombelaka!

Eklesiasta 7:6

Mpfumawulo wa ku hleka ka xiphunta i ku baleka-baleka ka swihlahlana loko swi tshwa exitikweni: A wu vuli nchumu!

Pisalema 20:1

HOSI Xikwembu a xi ku hlamule hi siku ra khombo, vito ra Xikwembu xa Yakobo a ri ku sirhelele!

Pisalema 58:9

Loko va nga si tiva nchumu, va tsuvule ku fana ni mahlampfu ya mitwa, u va hisa hi vukari bya wena va ha hanya.

Pisalema 8:9

We HOSI, N'wini wa hina, vito ra wena ri dzuneka ngopfu emisaveni hinkwayo!

2 SAMIELE 23:6

Kambe vanhu hinkwavo lava nga pfuniki nchumu, va fana ni mitwa leyi cukumetiweke, hikuva a ku na loyi a nga yi khomaka hi voko;

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Esaya 27:4

A ndza ha yi kariheli. Loko ko va ni mitwa ni swigatlu eka yona, ndzi ta lwa na swona, ndzi swi hlengeleta ndhawu yin'we, ndzi swi hisa,

Esaya 33:12

N'wina vanhu va matiko, mi ta tshwa ku sala nkuma, mi ta fana ni mitwa leyi tsemiweke, yi hisiwa.