Pisalema 115:16 - BIBELE Mahungu Lamanene

¹⁶ Matilo i ya HOSI Xikwembu xi ri xoxe, kasi vanhu xi va nyikile misava.

Xitsonga (Bibele)

¹⁶ Loko ma ri matilo, i matilo ya Yehovha, Misava, u yi nyikile vana va vanhu.

Pisalema 115:16 Referans Kwoze

Pisalema 8:6

U n'wi nyikile ku fuma swilo leswi mavoko ya wena ma swi vumbeke, u vekile hinkwaswo swi va hansi ka minkondzo ya yena:

Pisalema 89:11

Tilo ni misava i swa wena, hinkwaswo leswi nga ka swona swi sunguriwile hi wena.

Duteronoma 32:8

Loko Xikwembu-xa-le-henhla-henhla xi phakela vamatiko tindhawu ta vona, ni loko xi va tshamisisa ematikweni ya vona, xi va bele mindzilekana hi ku ya hi nhlayo ya mavandla ya le tilweni.

Pisalema 144:5

Pfalula matilo ya wena we HOSI, u rhelela, khumba tintshava ti mbuluka musi.

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Yohane 14:2

Tindhawu ti tele endlwini ya Tata wa mina; loko a swi nga ri tano, a ndzi ta va ndzi mi byerile; kutani ndzi ya mi lunghisela kona.

Swirilo 3:66

we HOSI, va hlundzukele u va hlongorisa, u va herisa, va nyamalala laha misaveni.”

Pisalema 148:4

Xi dzuniseni n'wina matilo ya le henhla-henhla, kun'we na n'wina mati lama nge henhla matilweni.

Duteronoma 10:14

Tivani leswaku matilo hinkwawo i ya HOSI Xikwembu xa n'wina, hambi yi ri misava ni swilo hinkwaswo leswi nga eka yona i swa xona.

Pisalema 89:12

Hi wena u tumbuluxeke dzonga ni n'walungu, tintshava ta Taboro na Hermoni ti ba minkulungwana, ti dzunisa vito ra wena.

Esaya 45:18

HOSI Xikwembu xi tumbuluxile matilo, hi xona xi nga Xikwembu hakunene! Xi vumbile ni misava, xi yi endla yi ri leyi tiyeke, leyi vanhu va kotaka ku tshama eka yona: A xi yi vumbelanga ku va leyi nga pfuniki nchumu. Kutani xi vurisa sweswo xi ri: “Hi mina HOSI Xikwembu, ku hava un'wana!