Pisalema 115:12 - BIBELE Mahungu Lamanene

¹² HOSI Xikwembu a xi hi rivalanga, xi ta hi katekisa, xi ta katekisa Vaisraele, xi katekisa ni va ka Aroni.

Xitsonga (Bibele)

¹² Yehovha u hi tsundzukile, u ta katekisa; U ta katekisa yindlu ya Israele, U ta katekisa yindlu ya Aroni,

Pisalema 115:12 Referans Kwoze

Pisalema 136:23

Hi yena la hi voneke loko hi xaniseka, — Rirhandzu ra yena hi leri nga heriki —

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Esaya 44:21

HOSI Xikwembu xi ri: “N'wina va ka Yakobo, ndzi vula n'wina Vaisraele malandza ya mina, mi nga tshuki mi rivala timhaka leti: Muvumbi wa n'wina, hi mina, n'wina mi malandza ya mina; ndzi nga ka ndzi nga mi rivali n'wina Vaisraele.

Vagalatiya 3:29

Kutani, loko mi ri va ka Kriste, swi vula leswaku mi rixaka ra Abrahama, mi vadyandzhaka hikwalaho ka xitshembiso.

Pisalema 67:7

Hakunene Xikwembu xi hi katekisile; hinkwako emisaveni, vanhu a va chave xona!

Vagalatiya 3:14

Hi swo leswi Kriste a swi endleke, leswaku nkateko lowu Xikwembu xi wu nyikeke Abrahama wu fika eka vamatiko ha Yesu Kriste, ni leswaku, hi ku pfumela, hi amukela nyiko ya Moya leyi hi tshembisiweke yona.

Pisalema 25:7

U nga anakanyi swidyoho ni swihoxo swa vuntshwa bya mina; ndzi tsundzuke we HOSI, hikwalaho ka rirhandzu ra wena ni vunene bya wena!

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Tinhlayo 6:27

“Loko va vula vito ra mina eka Vaisraele hi ndlela leyi, ndzi ta va katekisa.”

Pisalema 135:19

N'wina Vaisraele, nkhensani HOSI Xikwembu, xi nkhenseni n'wina va ka Aroni!