Pisalema 115:1 - BIBELE Mahungu Lamanene

¹ We HOSI, ku dzunisiwa a hi swa hina, hakunene a hi swa hina, kambe i swa wena ntsena, hikuva u ni rirhandzu, wa tshembeka.

Xitsonga (Bibele)

¹ Oho Yehovha! Ku kwetsima ku nga vi ka hina, Ku nga vi ka hina, kambe a ku ve ka vito ra wena. Hikwalaho ka tintswalo ta wena ni vunene bya wena!

Pisalema 115:1 Referans Kwoze

Esaya 48:11

Ndzi endlile sweswo hikwalaho ka vito ra mina ntsena, hikuva a ndzi nga lavi leswaku ri onhiwa. Ndzi nga ka ndzi nga pfumeli leswaku ku dzuneka ka mina ku nyikiwa un'wana.

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Pisalema 96:8

Xi twariseni mi dzunisa vito ra xona, tanani eTempeleni ya xona mi ri ni swa magandzelo.

Ezekiele 36:32

Mina HOSI N'wini wa hinkwaswo ndzi ri, leswi ndzi swi endlaka, a ndzi swi endli hikwalaho ka n'wina; khomani hi tingana n'wina Vaisraele, mi hundzuka emahanyelweni ya n'wina.”

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Ezekiele 36:22

“Wena Ezekiele, vulavula na Vaisraele, u va byela leswaku mina HOSI N'wini wa hinkwaswo ndzi ni rito eka vona leri nge: Leswi ndzi swi endlaka, a ndzi swi endli hikwalaho ka n'wina, kambe hikwalaho ka vito ra mina lero hlawuleka, leri mi ri soriseke exikarhi ka matiko lawa mi yisiweke eka wona.

Daniele 9:19

We HOSI, hi yingise! HOSI, hi rivalele! HOSI, twana xirilo xa hina, u hatla u hi lwela, hikwalaho ka leswi u nga swona, we Xikwembu xanga, ni hikwalaho ka muti lowu wa wena ni vaaki va wona lava thyiweke vito ra wena.

Pisalema 61:7

A a fume hilaha ku nga heriki emahlweni ka wena, we Xikwembu; n'wi hlayise hi rirhandzu ra wena ni ku tshembeka ka wena.

Yoxuwa 7:9

Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Pisalema 74:22

We Xikwembu, suka u yima u vulavula hi wexe, tsundzuka leswaku vatiarisi lava va le ku ku sandzeni minkarhi hinkwayo.

Pisalema 138:2

Ndzi nkhinsama emahlweni ka Tempele ya wena leyo hlawuleka, ndzi ri karhi ndzi tlangela vito ra wena, hikuva u ni rirhandzu, wa tshembeka; leswi u swi tirheke swi tlula hinkwaswo leswi a hi swi languterile eka wena.