Pisalema 114:3 - BIBELE Mahungu Lamanene

³ Lwandle ri tsutsumile loko ri va vona, na wona nambu wa Yordani wu tlhelele ndzhaku.

Xitsonga (Bibele)

³ Lwandle loko ri n'wi vona, ri baleka, Yena Yordani a tlhelela endzhaku;

Pisalema 114:3 Referans Kwoze

Pisalema 77:16

Loko mati ma ku vonile we Xikwembu, ndzi ri loko ma ku vonile, ma chavile, kutani swidziva swi rhurhumela.

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Habakuku 3:15

U kandziyela lwandle hi tihanci ta wena, kutani maboboma ya matimba u ma tlhutlhisa khuvi.

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,

Pisalema 106:9

Xi tshinyile Lwandle-ro-Tshwuka, kutani ri phya, xi tsemakanyisa Vaisraele exikarhi ka swidziva onge hi loko va ri emananga.

Pisalema 104:7

Kambe loko u swi tshinyile, swi hangalakile, swi tsutsumile loko swi twa ku dzindza ka rito ra wena,

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

Eksoda 15:8

“Loko u hefemutekile hi ku kariha, mati ma hlengeletanile, maboboma ma yima ma endla makhumbi, magandlati exikarhi ka lwandle ma tiya.

Pisalema 77:17

Mapapa a ma chulula mati, tilo ri duma, miseve ya rihati yi ba hala ni hala.