Mirhi hinkwayo etikweni yi ta swi tiva leswaku HOSI hi mina: Mirhi leyo leha ndza yi tsema, kasi leyo koma ndza yi kurisa yi leha. Ndzi vunisa mirhi leyo tsakama, kambe leyi omeke ndza yi hlukisa. Swilo leswi, ndzi ta swi endla, ku vula mina HOSI!”
Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?
Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.
Xana u hlomele mani ematlhari xana, wena hosi ya Israele? I mani loyi u n'wi hlongorisaka xana? U hlongorisa mina ndzi fanaka ni mbyana yo fa, mina ndzi ngo va dzedze ntsena!
“Wena Baaxa, a wu nga ri nchumu, kambe ndzi ku kurisile, ndzi ku veka ku va mufambisi wa tiko ra mina ra Israele. Kambe u hanyile hi tindlela ta Yerobuwamu; u dyohisile tiko ra mina ra Israele, kutani swidyoho leswi swa vona swi ndzi hlundzukisile ngopfu.