Pisalema 112:3 - BIBELE Mahungu Lamanene

³ Emutini wa yena ku ni ndzalo ni rifuwo, a nga tshiki ku hanana.

Xitsonga (Bibele)

³ Ndzalo ni rifuwo swi ta va kona endlwini ya yena, Ku lulama ka yena ku tshama hi masiku.

Pisalema 112:3 Referans Kwoze

Swivuriso 15:6

Emutini wa lowo lulama, ku ni rifuwo lero tala, kasi xuma xa lowo homboloka xa hangalasiwa.

Swivuriso 3:16

Hi byona lebyi nyikaka munhu masiku layo tala ya ku hanya, byi nyika rifuwo ni ku dzuneka.

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Esaya 33:6

N'wina va le Yerusalema, hi xona lexi nga ta mi tiyisa emasikwini ya ku hanya ka n'wina, xi ta mi ponisa minkarhi hinkwayo, xi mi nyika vutlhari ni vutivi, ku chava HOSI Xikwembu ri ta va rifuwo ra n'wina lerikulu.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.

Pisalema 111:10

Masungulo ya vutlhari i ku chava HOSI Xikwembu, hinkwavo lava endlaka sweswo va ni ku twisisa. Ku dzuneka ka HOSI a ku na ku hela!

Pisalema 111:3

Mintirho ya Xikwembu yi tele vunene ni ku dzuneka, naswona ku lulama ka xona a ku na ku hela.

Esaya 51:8

hikuva va ta hela kukota xiambalo lexi muhliweke, va ta fana ni dzovo leri dyiweke hi tinsumba. Kambe matimba ya mina yo lwela vanhu ma ta va kona hilaha ku nga heriki, ndzi ta va muponisi minkarhi hinkwayo.”

Esaya 32:17

Ku lulama loku nga ta va kona, ku ta tswala ku rhula, mihandzu ya kona yi ta va vanhu vo miyela lava nga ta tshembeka hilaha ku nga heriki.

Ntirho 5:24

Emutini wa wena, u ta va u tshamisekile, loko u ya kamba swifuwo swa wena emadyelweni, u ta swi kuma swi ri kona hinkwaswo.

Pisalema 34:10

Tinghala ti nga ha pfumala swakudya, ti twa ndlala, kambe lava lavaka HOSI Xikwembu, a va nga pfumali xilo ni xin'we lexo saseka.

Pisalema 34:11

N'wina vana vanga, tanani mi ta twa, ndzi lava ku mi dyondzisa ku chava HOSI Xikwembu.

Swivuriso 21:20

Mafurha ni xuma lexinene, swi kumeka emutini wa munhu wo tlhariha, kasi xiphunta xi hatla xi dya, xi heta.