Pisalema 11:7 - BIBELE Mahungu Lamanene

⁷ Kambe HOSI yi rhandza mintirho leyo lulama, hikuva yona yi lulamile; lava tengeke va ta vona mombo wa yona.

Xitsonga (Bibele)

⁷ Hikuva Yehovha u lulamile, u rhandza mitirho ya ku lulama; Vanhu lava lulameke va ta hlalela nghohe ya yena.

Pisalema 11:7 Referans Kwoze

Nhlavutelo 22:4

Va ta vona nghohe ya xona, ni vito ra xona ri ta va emimombyeni ya vona.

Pisalema 17:15

Loko a ri mina, ndzi ta vona mombo wa wena ndzi ri loyi a pembeleke; loko ndzi pfuka, ndzi ta kolwa hi ku ku vona, wena hi xiviri xa wena!

1 Petro 3:12

Hikuva mahlo ya Hosi ma tsakela lavo lulama, ni tindleve ta yona ti pfulekele swikhongelo swa vona, kambe Hosi yi fularhela lava endlaka swo biha.”

Pisalema 45:7

U rhandza ku lulama, u venga ku homboloka, hikokwalaho Xikwembu, xona Xikwembu xa wena, xi ku chele mafurha enhlokweni hi siku ra nkhuvo, xi ku hlawula eka tihosi tin'wana.

Ntirho 36:7

lava lulameke, a xi va fularheli. “Xi veka vafumi eswiluvelweni swa vona, xi va tshamisisa kona nkarhi wo leha, kambe loko va sungula ku tikurisa,

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

Pisalema 42:5

We moya wanga, u tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,

Pisalema 33:18

Vonani, HOSI Xikwembu xi hlayisa hinkwavo lava va xi chavaka, lava tshembaka rirhandzu ra xona;

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Pisalema 33:5

Xi tsakela ku lulama ni ku avanyisa lokunene, rirhandzu ra xona lero tshembeka ri tate misava hinkwayo.

Pisalema 21:6

Hi wena u endleke leswaku a kateka minkarhi hinkwayo, a tshama a tsakile emahlweni ka wena.

Pisalema 5:12

We HOSI, u katekisa munhu wo lulama, nsovo wa wena wu n'wi vhikela ku fana ni xitlhangu.

Esaya 61:8

HOSI Xikwembu xi ri: “Mina HOSI, ndzi rhandza ku lulama; lava tekelaka van'wana swa vona ni ku endla leswo homboloka, ndza va venga. Vanhu va mina, a ndzi nga va tsoni hakelo ya vona, ndzi ta endla na vona ntwanano lowu nga ta va kona hilaha ku nga heriki.

Pisalema 146:8

HOSI Xikwembu xi pfula mahlo ya lava nga voniki, lava tshikeleriwaka xa va kutsula, xi rhandza vanhu lava lulameke.

Pisalema 7:9

Herisa ku biha ka lavo homboloka, u tiyisa lavo lulama, hikuva u Xikwembu xo lulama, wena u kambelaka timbilu ni miehleketo.

Pisalema 7:11

Muavanyisi wo lulama i Xikwembu, xona lexi tshinyaka vaonhi minkarhi hinkwayo.

Pisalema 37:28

hikuva HOSI Xikwembu xi tsakela leswo lulama, lava va xi khongelaka, a xi nga va tshiki empfhukeni, xi ta va hlayisa hilaha ku nga heriki; kambe vana va lavo homboloka vona va ta heriseriwa makumu.

Pisalema 45:8

Swiambalo swa wena hinkwaswo swi n'wan'waseriwile mirhi ya risuna ya mirha ni mhangana. Etindlwini leto saseka ta le ntsindza, ku twala mpfumawulo wa swichaya-chayani leswi swi ku tsakisaka.

Swivuriso 15:9

HOSI Xikwembu xi venga mikhuva ya munhu lowo homboloka, kasi munhu loyi a tikarhatelaka leswo lulama, xa n'wi rhandza.