Pisalema 11:6 - BIBELE Mahungu Lamanene

⁶ Lavo homboloka, yi va nisela mpfundze ni xivavula, mpandzwa wa vona i moya lowu hisaka.

Xitsonga (Bibele)

⁶ U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.

Pisalema 11:6 Referans Kwoze

Ezekiele 38:22

Siku ndzi va avanyisaka, va ta dlawa hi mintungu ni tinyimpi. Ndzi ta nisa mpfula leyikulu, ni xihangu xo chavisa, ni ndzilo wa xivavula, swi wela Gogo ni mavuthu ya yena ni masocha ya yena layo tala lama humaka ematikweni man'wana.

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Ezekiele 13:13

“Mina HOSI N'wini wa hinkwaswo, ndzi ri: Eku hlundzukeni ka mina, ndzi ta vanga bubutsa ni mpfula leyikulu ni xihangu xo chavisa, swi onhetela khumbi leri akiweke.

Luka 17:29

kambe siku leri Lota a humeke eSodoma ha rona, ndzilo ni xivavula swi wa hi le tilweni, swi va lovisa hinkwavo.

Pisalema 75:8

HOSI Xikwembu xi tamele xinwelo xa vukari bya xona, lexi teleke hi vhinyo leyo bava leyi xi yi hlanganiseleke swinene; xi ta yi nyika vanhu hinkwavo lavo homboloka, xi va sindzisa ku yi nwa va heta.

Ntirho 20:23

Loko a ha ri eku dyeni, Xikwembu xi ta n'wi ba hi vukari bya xona lebyi hisaka; swi ta va swakudya leswi xi n'wi phamelaka swona!

Ntirho 18:15

Etindlwini ta yena, ku tshama vanhu vambe, muti wa yena wu herisiwa hi xivavula.

Yohane 18:11

Hiloko Yesu a ku ka Petro: “Tlherisela banga ra wena enkotlotweni wa rona; xana a ndzi nga nwi exinwelweni lexi Tatana a ndzi nyikeke xona xana?”

Habakuku 2:16

Kasi hi wena la nga ta khomiwa hi tingana, ematshan'wini ya ku va la chavisekaka. Tinwele u ri wena, u dedeleka. Xinwelo xa vukari lexi nga vokweni ra xinene ra HOSI xi ta kondza xi fika eka wena, kutani ku chaviseka ka wena ku ta hundzuka tingana letikulu.

Pisalema 105:32

Xi va nisela xihangu ematshan'wini ya mpfula, xi ba tiko ra vona hi rihati.

Esaya 51:17

We Yerusalema, suka u yima! Yima, wena u nweke vukari bya HOSI Xikwembu exinwelweni lexi xi ku nyikeke xona; u nwile u heta, u pyopyiwa.

Pisalema 16:5

We HOSI, hi wena ndzhaka leyi ndzi averiweke yona, hi wena u ndzi timulaka torha; vutomi bya mina byi fumbarheriwile hi wena.

Esaya 51:22

HOSI Xikwembu N'wini wa n'wina, xona lexi lwelaka vanhu va xona, xi ri: “Ndzi susile emahlweni ka n'wina xinwelo lexi xi mi pyopyisaka, a mi nga ha nwi vukari bya mina.

1 SAMIELE 9:23

Samiele a ku ka musweki wa nyama: “Tisa nyama leyi ndzi ku leriseke leswaku u yi veka etlhelo.”

1 SAMIELE 1:4

Loko Elkana a humesa magandzelo, a a tolovele ku nyika Penina nsati wa yena swihluvi swa nyama, a nyika ni vana va Penina va xinuna ni va xisati hinkwavo;

Genesa 43:34

Nyama leyi a va phameriwa yona, a yi huma etafuleni ra Yosefa, kutani Benjamini a nyikiwa yo tlula ya lavan'wana kantlhanu. Kutani va nwa vhinyo na Yosefa va tixurhela.

Ntirho 18:10

Lomu a hundzaka hi kona, ku vambiwe ngoti, ú rhiyeriwe xirimbana endleleni.

Pisalema 18:13

kutani HOSI yi bonga yi ri etilweni, Xikwembu xa le henhla-henhla xi huwelela hi rito lerikulu, xi humesa xihangu ni makala lama vuvumelaka.

Pisalema 32:10

Vanhu lavo homboloka va wela hi maxangu layo tala, kambe lava tshembaka HOSI Xikwembu, va sirheleriwa hi rirhandzu ra xona lero tshembeka.

Yeremiya 13:25

Lexi hi xona xiphemu xa wena, we Yerusalema, lexi mina HOSI ndzi nga ku avela xona, hikuva u ndzi rivarile, u tshemba swikwembu swa mavunwa.