Pisalema 11:2 - BIBELE Mahungu Lamanene

² Languta, lavo homboloka va konga vurha, va vekerile miseve ya vona etingotini, ku copa exinyamini, va tlhava vanhu va timbilu leti tengeke.

Xitsonga (Bibele)

² Hikuva lavo homboloka va khotsa mavurha ya vona, Va rhiyeketa miseve ya vona erisingeni, Ku copa emunyameni vanhu va timbilu leti lulameke.

Pisalema 11:2 Referans Kwoze

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Pisalema 37:14

Lavo homboloka va hloma matlhari va konga ni vurha, va lava ku herisa swisiwana ni lava pfumalaka, va ringeta ku dlaya lava lulameke;

Pisalema 21:12

hikuva wena u ta va hlongorisa, u va copa tinhloko hi miseve.

Matewu 26:4

kutani va kanela makungu ya ku khoma Yesu hi vutlhari, va ta n'wi dlaya.

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Pisalema 125:4

We HOSI, katekisa vanhu lavo lulama, lava navelaka hi mbilu hinkwayo ku endla leswinene.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Pisalema 94:15

Ku lulama ku ta tlhela ku va kona etihubyeni, vanhu hinkwavo lavo lulama va ta ku seketela.

Pisalema 64:10

Lavo lulama a va titsakele eka HOSI Xikwembu, va tumbela eka xona; hinkwavo lava lulameke a va xi dzunise.

Pisalema 32:11

N'wina hinkwenu lava lulameke, tsakani mi tsakela HOSI, banani minkulungwana, n'wina hinkwenu va timbilu to basa!

Pisalema 10:2

Eku tikuriseni ka vona, lavo homboloka va sala swisiwana endzhaku. Va phasise hi mano lawa va ma lukeke!

Pisalema 7:12

Loko munhu wo biha a nga hundzuki, Xikwembu xi ta lota banga ra xona, xi konga vurha bya xona xi byi rhiya;

Pisalema 7:10

Xitlhangu xa mina xi le ka Xikwembu, mulweri wa lava timbilu leti tengeke.

1 SAMIELE 23:9

Davhida a a swi tiva leswaku Sawulo ú le ku lukeni ka mano layo biha yo lwa na yena, kutani a byela muprista Abiyatara a ku: “Tisa nkwama wa ‘efodi’ haleno.”

1 SAMIELE 18:21

Kutani embilwini ya yena, Sawulo a a ku: “Ndzi fanele ku nyika Davhida n'wana wa mina Mikala, ndzi rhiya ntlhamu hi yena, leswaku Vafilista va ta dlaya Davhida.” Leri a ri ri ra vumbirhi Sawulo a ringeta ku hundzula Davhida a va mukon'wana wa yena.