Pisalema 109:23 - BIBELE Mahungu Lamanene

²³ Ndzi ya eku nyamalaleni kukota mindzhuti nimadyambu, va ndzi dzudzile ku fana ni njiya.

Xitsonga (Bibele)

²³ Ndzi tifambela kukotisa ndzhuti lowu ololokaka, Ndzi hungiwa kukotisa njiya,

Pisalema 109:23 Referans Kwoze

Eksoda 10:19

Hiloko HOSI Xikwembu xi tlherisa moya, xi wu hungisa wu huma evupeladyambu, wu vunga tinjiya wu ya ti chela eka Lwandle-ro-Tshwuka; ematlhelweni hinkwawo ya tiko ra Egipta, a ku salanga ni njiya ni yin'we.

Ntirho 14:2

Ú fana ni xiluva lexi balekaka xi hatla xi vuna; ú hundza kukota papa, a nyamalala.

1 TIKRONIKA 29:15

Emahlweni ka wena, hi valuveri ntsena, a hi na rito, ho fana ni vatata wa hina. Masiku ya ku hanya ka hina ma hatla ma hundza, ma nyamalala kukotisa papa.

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

Eklesiasta 8:13

Lowo homboloka yena a nge kateki; masiku ya ku hanya ka yena ma ta hundza kukota papanyana, hikuva a nga chavanga Xikwembu.

Eklesiasta 6:12

Xana i mani la tivaka leswi nga tiselaka munhu eminkateko, loko a ri karhi a hetisa masikunyana ya yena yo ka ya nga pfuni nchumu xana? Leswi a hundzaka emisaveni ku fana ni papanyana, xana i mani la nga tivisaka munhu loyi leswi nga ta humelela mundzuku, loko yena a ta va a nga ha ri kona xana?

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Eksoda 10:13

Hiloko Muxe a tlakusela nhonga ya yena ehenhla ka tiko ra Egipta; kutani HOSI Xikwembu xi hungisa moya wo huma evuxeni; wu hunga siku ra kona hinkwaro ni vusiku hinkwabyo. Loko ri xa, moya lowu a wu nghenisile tinjiya.

Pisalema 102:12

Kambe wena we HOSI, u fuma hilaha ku nga heriki, vanhu va ta ku tsundzuka minkarhi hinkwayo.