Pisalema 108:7 - BIBELE Mahungu Lamanene

⁷ Xikwembu xi vulavula xi ri eTempeleni ya xona, xi ku: “Ndzi muhluri! Ndzi ta pandza mindzilekana emutini wa Xikeme, ndzi avela vanhu rivala ra Sukoti.

Xitsonga (Bibele)

⁷ Xikwembu xi vurile eku kwetsimeni ka xona xi ku: “Ndzi ta hlula, Ndzi ta pambula Xikeme, ndzi ta pima nkova wa Sukoti.

Pisalema 108:7 Referans Kwoze

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

Amosi 4:2

Leswi HOSI N'wini wa hinkwaswo a kwetsimeke, ú hlambanyile a ku: ‘Vonani siku ra n'wina ra ta, leri va nga ta mi koka hi swiove va famba na n'wina, va koka ni masalela ya n'wina hi swinjovo.

Yoxuwa 24:1

Yoxuwa a hlengeleta tinyimba hinkwato ta Vaisraele eXikeme. Kutani a vitana vakulukumba, ni varhangeri, ni vaavanyisi, ni tindhuna ta Israele, va ya yima emahlweni ka HOSI Xikwembu.

Yoxuwa 20:7

Kutani va hlawula muti wa Kedexe lowu nga Galeliya emagangeni ya Neftali, na muti wa Xikeme lowu wu nga emagangeni ya Efrayimi, na muti wa Kiriyata-Araba (hileswaku Hebroni) lowu wu nga emagangeni ya Yuda.

Yoxuwa 17:7

Tiko ra va ka Manase ri navile ku sukela le Axere, ri ya fika emutini wa Mikimeta lowu nga evuxeni bya Xikeme. Kutani ndzilekana wu kongoma eYabixi-Eni-Tapuwaka.

Genesa 33:17

Kambe Yakobo yena a ya eSukoti, a fika a tiakela yindlu, a aka ni swivala swa swifuwo, hikokwalaho ndhawu leyi yi thyiwa vito ra Sukoti (hileswaku: “Swivala”).

Pisalema 60:7

Va le Giliyadi i va mina, hambi va ri va ka Manase i va mina. Xihuku xa mina hi vona va ka Efrayimi, va ka Yuda vona i nhonga ya mina ya vuhosi.