Pisalema 108:1 - BIBELE Mahungu Lamanene

¹ We Xikwembu, mbilu ya mina a yi chavi nchumu! Hikokwalaho, ndzi ta suma risimu ndzi yimbelela. Ina, ndzi tsakela sweswo!

Xitsonga (Bibele)

¹ Oho Xikwembu! Mbilu ya mina yi tiyile! Ndzi ta yimbelela tinsimu, ndzi yimbelela hi haripa Na kona ku kwetsima ka mina ku ta ku dzunisa.

Pisalema 108:1 Referans Kwoze

Pisalema 145:21

Nomo wa mina a wu vule ku dzuneka ka HOSI Xikwembu, hinkwaswo leswi hanyaka a swi nkhense vito ra xona lero hlawuleka, namuntlha ni hilaha ku nga heriki.

Pisalema 104:33

Vutomi bya mina hinkwabyo, ndzi ta yimbelela ndzi tlangela HOSI, ndzi ta dzunisa Xikwembu xa mina loko ndza ha hanya.

Pisalema 71:15

Siku rin'wana ni rin'wana, ndzi ta vula leswaku u Xikwembu xo tshembeka, ni leswaku u ponisa vanhu. Hakunene mintirho ya wena i ntsandza-vahlayi.

Pisalema 68:1

Loko Xikwembu xi humelela, valala va xona va hangalaka, lava va xi vengaka, va suka va tsutsuma.

Pisalema 71:8

Masiku hinkwawo ndzi yimbelela tinsimu, ndzi tlangela ku dzuneka ka wena.

Pisalema 34:1

Ndzi ta tlangela HOSI Xikwembu minkarhi hinkwayo, ndzi nga ka ndzi nga tshiki ku xi dzunisa.

Eksoda 15:1

Kutani Muxe ni Vaisraele va dzunisa HOSI Xikwembu hi risimu leri nge: “Ndzi ta yimbelela ndzi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.

Pisalema 30:12

Hikokwalaho, ndzi ta ku dzunisa hi mbilu ya mina hinkwayo, ndzi nga ka ndzi nga miyeli; We HOSI, Xikwembu xanga, ndzi ta ku tlangela hilaha ku nga heriki.

Pisalema 16:9

Hikokwalaho, mbilu ya mina yi tsakile, nomo wa mina wu ba nkulungwana, na wona miri wa mina wu titwa wu hlayisekile.

Pisalema 138:1

We HOSI, ndza ku tlangela hi mbilu ya mina hinkwayo, emahlweni ka swivumbiwa swa le tilweni.