Pisalema 107:34 - BIBELE Mahungu Lamanene

³⁴ ni tiko ro nona ri hundzuka makwandzasi, loko vaaki va kona va endla leswo biha.

Xitsonga (Bibele)

³⁴ Misava yo nona yi hundzuriwe misava ya munyu Hikwalaho ka ku biha ka vaaki va kona.

Pisalema 107:34 Referans Kwoze

Genesa 14:3

Kutani tihosi leti hinkwato ti yima swin'we ti ya hlengeletana eka Nkova wa Sidimi (ri nga Lwandle-ra-ku-fa).

Genesa 13:10

Kutani Lota a tlakusa mahlo, a vona leswaku tindhawu ta le nkoveni wa Yordani, ni ku ya fika eSowara, ti ni mati yo tala ku fana ni ntanga wa HOSI Xikwembu, ni tiko ra Egipta. (Enkarhini lowu, HOSI Xikwembu a xi nga si herisa muti wa Sodoma ni muti wa Gomora.)

Ezekiele 47:11

Kambe emakorhweni ya Lwandle-ra-ku-fa, mati ma ta tshikiwa ma ri layo dzunga, leswaku vanhu va kuma munyu kona.

Genesa 13:13

wu nga muti wa vanhu vo homboloka, lava a va dyohela ngopfu HOSI Xikwembu.

Genesa 4:12

Loko u rima misava, a yi nga ha ku humeseli ntshovelo lowu ringaneke. Emisaveni a wu nga vi na kaya, u ta va mutsendzeleki.”

Pisalema 68:7

We Xikwembu, siku u humeke ni vanhu va wena u tsemakanya na vona mananga,

Yeremiya 5:25

Vubihi bya n'wina byi onhile swilo leswinene leswi, kutani a ma ha nyikiwi swona hikwalaho ka swidyoho swa n'wina.

Yeremiya 12:4

Xana tiko ri ta fa hi dyandza ku fikela rini, hinkwaswo leswi milaka emasin'wini, swi ta wisa rini ku tshwa hi dyambu ke? Vubihi bya vaaki va tiko, hi byona byi ri dlayisaka, byi herisa swifuwo ni tinyanyana, hikuva va ri: “Yeremiya a nge hi tluli hi malembe ya yena ya ku hanya!”

Ezekiele 12:19

Kutani byela lava u nga na vona evukhumbini leswaku mina HOSI ndzi ni mhaka ehenhla ka vaaki va Yerusalema lava nga sala etikweni ra Israele: Swakudya, va ta dya va ri ni gome, ni mati va ta nwa va herile ntamu, hikuva hinkwaswo leswi nga tikweni ra vona swi ta phanghiwa, hi mhaka ya leswi vaaki va kona hinkwavo va nga ni tihanyi.