Pisalema 104:15 - BIBELE Mahungu Lamanene

¹⁵ yi nga vhinyo leyi tsakisaka timbilu ta vona, ni mafurha ya ku tola exikandzeni, ni vuswa lebyi tiyisaka miri wa vona.

Xitsonga (Bibele)

¹⁵ Ni vhinyo leyi tsakisaka mbilu ya munhu, Ni mafurha lama vangamisaka mombo wa yena, Ni vuswa lebyi tiyisaka mbilu ya munhu.

Pisalema 104:15 Referans Kwoze

Pisalema 23:5

U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

Eklesiasta 10:19

Swakudya swa nandziha, ni vhinyo yi tsakisa mbilu, kambe hinkwaswo swi kumiwa hi mali!

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Vaavanyisi 9:13

Kambe murhi wa vhinya wu hlamula leyin'wana wu ku: ‘Xana ndzi nga tshika ku humesa vhinyo ya mina leyi tsakisaka swikwembu ni vanhu, kutani ndzi ya risa mirhi, xana?’

Vaheveru 1:9

U rhandzile ku lulama, u vengile ku homboloka. Hikokwalaho Xikwembu, Xikwembu xa wena, xi ku cherile mafurha ya ntsako lowukulu ku tlula vanakuloni.”

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Pisalema 92:10

Kambe mina u ndzi nyikile matimba ya nyarhi, u ndzi totile mafurha layo nun'hwela enhlokweni.

1 Yohane 2:20

Kambe n'wina mi cheriwile Moya hi loyi a kwetsimaka, kutani hinkwenu mi ni vutivi.

Ezekiele 4:16

Xi engeta xi ku ka mina: “Yingisa we Ezekiele! Ndzi ta vanga ndlala eYerusalema; swakudya swa kona, va to pimeriwa kunene va dya va ri karhi va rhurhumela; ni mati yo nwa va ta pimeriwa, va nwa hi ku chava.

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Vaavanyisi 9:9

Kambe murhi wa mutlhwari wu hlamula leyin'wana wu ku: ‘Xana ndzi nga tshika ku humesa mafurha ya mina lama tirhisiwaka ku xixima swikwembu ni vanhu, kutani ndzi ya risa mirhi, xana?’

Luka 7:46

A wu ndzi totanga mafurha enhlokweni; kambe loyi ú totile milenge ya mina hi mafurha layo nun'hwela.

Esaya 3:1

Vonani, HOSI ya matimba hinkwawo N'wini wa hinkwaswo, ú lava ku tekela va ka Yuda ni muti wa Yerusalema leswi swi va seketelaka ni ku va hanyisa; ú ta va tekela swakudya hinkwaswo ni mati hinkwawo,

Eklesiasta 8:1

Xana i mani la fanaka ni ntlhari, i mani la tivaka ku hlamusela timhaka ke? Munhu la tlhariheke, wa n'wayitela, nghohe ya yena a yi na minkonya.

Swivuriso 31:6

Byalwa, nyika munhu loyi a nga kusuhi ni ku fa, ni lava khunguvanyekeke ngopfu emoyeni, va nyike vhinyo,

Pisalema 105:16

Enkarhini wolowo, Xikwembu xi vangile dyandza etikweni, vanhu va fa hi ndlala;

Duteronoma 28:40

Etikweni ra n'wina hinkwaro, mi ta va na yona mirhi ya mitlhwari, kambe mi nge toli mafurha ya kona, hikuva mihandzu yi ta dzudzeka yi nga si vupfa.

Duteronoma 8:3

Xi mi tshinyile hi ku mi rhumela ndlala, kutani xi mi phamela manna, swi nga swakudya leswi a mi nga swi tivi, hambi va ri vatata wa n'wina va nga swi tivangiki. Swilo leswi, xi swi endlerile ku mi dyondzisa leswaku munhu a nga ka a nga hanyi hi vuswa ntsena, kambe ú ta hanya hi marito hinkwawo lama humaka enon'weni wa HOSI Xikwembu.

Levhitika 26:26

Swakudya swa n'wina ndzi ta swi hunguta swinene; vavasati va khume va ta sweka mbita yin'we, va mi phamela swona hi mpimo, kambe mi ta dya mi nga xurhi.

Marka 14:23

Kutani a teka xinwelo, a nkhensa, a va nyika xona; va nwela ka xona hinkwavo.

Ezekiele 14:13

“Swi tive we Ezekiele, loko tiko rin'wana ri nga tshuka ri ndzi dyohela hi ku ka ri nga tshembeki, kutani ndzi tlakusa voko ra mina ndzi ba tiko rero, ndzi herisa swakudya swa rona, ndzi ri vangela tindlala ni ku fa ka vanhu ni swifuwo,

Ezekiele 5:16

Loko ndzi mi copa hi miseve ya mina leyi dlayaka, mi ta fa mi hela, mi herisiwa hi ndlala leyi ndzi nga ta mi vangela yona; ndlala ya kona yi ta ya yi kula swakudya swi ko swi nga ha kumeki emutini wa n'wina.

Genesa 18:5

Leswi mi teke hi laha ka mina nandza wa n'wina, ndza ha ta sungula hi ku mi lavela vuswanyana mi ta miyeta nyoka, kutani hi kona mi nga ta ya emahlweni ni riendzo ra n'wina.” Vona va hlamula va ku: “Hiswona, endla hilaha u vulaka hakona.”

Vaavanyisi 19:5

Hi siku ra vumune, va pfuka ka ha ri mpundzu swinene, kutani Mulevhi a tilulamisela ku famba; kambe tata wa nsati a ku ka mukon'wana wa yena: “U ta rhanga hi ku phemanyana u miyeta nyoka, hi kona u nga ta famba.”

2 SAMIELE 13:28

Kutani a lerisa malandza ya yena, a ku: “Mi xiya loko Aminoni a pyopyiwile hi vhinyo, kutani loko ndzi ku ka n'wina: ‘Tlhavani Aminoni!’, mi n'wi dlaya. Mi nga chavi, hikuva hi mina ndzi mi lerisaka. Kanyani timbilu, mi komba vunhenha bya n'wina.”

Swivuriso 31:7

va ta nwa, va rivala vusiwana bya vona, maxangu ya vona a va nga ha ma tsundzuki.

Esaya 55:10

“Loko mpfula ni gamboko swi ta swi huma etilweni, a swi tlheli swi nga tsakamisanga misava; swi hlukisa swimilana ni ku balekisa swiluva, leswaku mubyari a kuma timbewu, ni vanhu va kuma swakudya.

Zakariya 10:7

Va ka Efrayimi va ta fana ni tinhenha, va ta tsaka onge va lo nwa vhinyo. Vana va vona va ta swi vona va tsaka, timbilu ta vona ti ta ndzi tsakela mina HOSI.