Pisalema 104:1 - BIBELE Mahungu Lamanene

¹ Ndzi lava ku nkhensa HOSI ndzi vuyelela! U nkulukumba swinene, wena HOSI Xikwembu xanga! U ambarile ku dzuneka ni vukosi.

Xitsonga (Bibele)

¹ Moya wanga, khensa Yehovha! Yehovha, Xikwembu xa mina, u nkulukumba ngopfu! U funengele ku kwetsima ni ku saseka!

Pisalema 104:1 Referans Kwoze

Pisalema 103:22

Nkhensani HOSI Xikwembu n'wina mintirho ya xona hinkwayo, etindhawini hinkwato leti nga hansi ka mfumo wa xona. Na mina ndzi lava ku nkhensa HOSI ndzi vuyelela.

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

Pisalema 96:6

Ku dzuneka ni vukulukumba swi le ka xona, Tempele ya xona yi tele hi matimba ni ku saseka.

Esaya 59:17

Ku lulama ku ta va xisirhelelo xa xona xa le xifuveni, xihuku xa xona xa le nhlokweni ku ta va ku ponisa ka xona; swiambalo swa xona, ku ta va ku rihisela ka xona, ku hiseka ka xona ku ta va nceka lowu xi funengelaka wona.

Pisalema 93:1

Xikwembu i mufumi wa hinkwaswo, xi ambele vukulukumba; xi tikhama hi matimba ya xona hikokwalaho misava yi tiyile yi nge tsekatseki.

Daniele 9:4

Eku khongeleni ka mina, ndzi vula swidyoho swa hina hinkwerhu eka Xikwembu xanga, ndzi ku: We N'wini wa hina, wena Xikwembu lexikulu xo chavisa, hi rirhandzu ra wena lero tshembeka, u hlayisa ntwanano wa wena ni lava va ku rhandzaka, lava nga rivaliki milawu ya wena.

Pisalema 104:35

Vadyohi a va herisiwe laha misaveni, lavo homboloka a va nyamalale! Mina ndzi lava ku nkhensa HOSI ndzi vuyelela! Dzunisani HOSI!

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Pisalema 7:1

We HOSI Xikwembu xanga, ndzi tumbela eka wena; ndzi ponise, u ndzi lamulela eka hinkwavo lava va ndzi hlongorisaka,

Habakuku 1:12

Xana a hi wena la nga HOSI ku sukela emasungulweni ya hinkwaswo xana, wena Xikwembu xanga ni Muhlawuleki wanga, wena la nga riki na ku fa, xana? Wena HOSI, u hlawurile Vakalediya ku hi avanyisa; wena Ribye ra masungulo, u va vekile ku hi tshinya.

Daniele 7:9

“Kuteloko ndza ha langutile, ku veketeriwa swiluvelo, kutani loyi a a ri kona ku sukela khale a tshama exiluvelweni xa yena. Swiambalo swa yena a swi basile ku fana ni gamboko, misisi ya yena a yi fana ni voya byo saseka bya nyimpfu. Xiluvelo xa yena a xi vuvumela, xi ri ni mavhilwa lama vangamaka kukotisa ndzilo.

Pisalema 95:3

hikuva HOSI i Xikwembu lexikulu, xi fuma swikwembu hinkwaswo, xa swi tlula hi vukulu.