Pisalema 103:3 - BIBELE Mahungu Lamanene

³ Hi xona xi ndzi rivalelaka swidyoho hinkwaswo, xi horisaka mavabyi ya mina hinkwawo.

Xitsonga (Bibele)

³ Hi yena la ku rivalelaka milandzu ya wena hinkwayo, La hanyisaka mavabyi ya wena hinkwawo;

Pisalema 103:3 Referans Kwoze

Eksoda 15:26

Kutani xi ku ka vona: “Loko mi tinyiketa ku yingisa leswi mina HOSI Xikwembu xa n'wina ndzi mi byelaka swona, mi endla leswi swi ndzi tsakisaka, mi landza milawu ya mina ni ku hlayisa swileriso swa mina hinkwaswo, ndzi nga ka ndzi nga mi vangeli ni ntungu ni wun'we wo fana ni leyi ndzi yi vangeleke Vaegipta, hikuva hi mina HOSI Xikwembu, mutshunguri wa n'wina.”

Esaya 53:5

Kasi a a boxiwa timbanga hikwalaho ka milandzu ya hina, a xanisiwa hikwalaho ka swidyoho swa hina. Ku biwa ka yena ku hi tisele ku rhula, hi hanyisiwile hi mafelangati ya yena.

Pisalema 30:2

We HOSI Xikwembu xanga, ndzi huwelerile eka wena, kutani u ndzi horisile emavabyini.

Yeremiya 17:14

Ndzi hanyise we HOSI, ndzi ta hanya, ndzi ponise, kutani ndzi ta pona, hikuva ndzi dzunisa wena ntsena.

Pisalema 147:3

Xi horisa lava vavisekaka timbilu, xi bohelela timbanga ta vona.

Yakobo 5:15

kutani xikhongelo lexi endliwaka hi ku pfumela xi ta hanyisa muvabyi; Hosi yi ta n'wi pfuxa emasangwini, kutani loko a ri ni swidyoho leswi a swi endleke, ú ta rivaleriwa swona.

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

Marka 2:5

Loko Yesu a vona ku pfumela ka vona, a ku ka loyi a khwanyaleke swirho: “N'wananga, u rivaleriwile swidyoho swa wena.”

Tinhlayo 12:13

Kutani Muxe a huwelela eka HOSI Xikwembu, a ku: “We Xikwembu, ndza ku kombela, n'wi horise!”

Pisalema 130:8

Ya ha ri yona leyi nga ta mi kutsula eswidyohweni swa n'wina hinkwaswo.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

2 SAMIELE 12:13

Kavaloko Davhida a ku ka Natani: “Ndzi dyohele HOSI Xikwembu.” Natani a ku ka Davhida: “HOSI Xikwembu xona xa ku rivalela; u nga ka u nga fi.

Esaya 33:24

Emutini lowu, a ku nga vi na muvabyi na un'we, vanhu hinkwavo lava tshamaka etikweni leri, va ta va va rivaleriwile swidyoho swa vona.

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Pisalema 41:8

va ku: “Khote, hambi kona! Leswi a etleleke, onge ú ta pfuka!”

Pisalema 86:5

U ni vunene we N'wini wanga, naswona wa rivalela, hinkwavo lava va ku khongelaka wa va rhandza.

Pisalema 130:4

Kambe hi wena la hi rivalelaka, we HOSI. Hikokwalaho vanhu a va ku kombe xichavo.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.