Pisalema 103:21 - BIBELE Mahungu Lamanene

²¹ Nkhensani HOSI Xikwembu n'wina hinkwenu mavandla ya xona, n'wina mi xi tirhelaka ni ku endla ku rhandza ka xona.

Xitsonga (Bibele)

²¹ Khensani Yehovha, n'wina tinyimpi ta yena hinkwato, Leti n'wi tirhelaka hi ku endla leswi a swi rhandzaka!

Pisalema 103:21 Referans Kwoze

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Luka 2:13

Hi nomu lo vunyingi bya mavandla ya le tilweni byi humelela byi ri ni ntsumi, byi dzunisa Xikwembu, byi ku:

Pisalema 104:4

timheho u ti endla tintsumi ta wena, ndzilo wa rihati wu hundzuka nandza wa wena.

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Yoxuwa 5:14

Wanuna yoloye a hlamula Yoxuwa a ku ka yena: “E-e, a ndzi yimi na munhu. Ndzi tile laha hikuva ndzi mufambisi wa mavuthu ya HOSI Xikwembu.” Hiloko Yoxuwa a wela hansi hi mombo, a sungula ku khongela, kutani a ku: “We n'wini wanga, xana u lava leswaku ndzi endla yini mina nandza wa wena xana?”

Genesa 32:2

Kuteloko Yakobo a ti vona, a ku: “Lowu i nxaxa wa Xikwembu”, kutani a thya ndhawu leyi vito ra Mahanayimi (hileswaku: “Mixaxa mimbirhi”).

Matewu 13:41

N'wana-wa-Munhu ú ta rhuma tintsumi ta yena, ti ta humesela ehandle ka Mfumo wa yena vakhunguvanyisi hinkwavo ni lava endlaka leswo biha,

Pisalema 68:17

Xikwembu xi sukile entshaveni ya Sinayi, xi ri ni magidi-gidi ya makalichi ya nyimpi, kutani xi ya nghena exivandleni lexo hlawuleka.

Pisalema 33:6

HOSI Xikwembu xi endle matilo hi rito ra xona, xi lo lerisa kunene, kutani dyambu ni n'weti ni tinyeleti, swi va kona hinkwaswo.

2 TIKRONIKA 18:18

Kutani Mikaya a engeta a ku ka vona: “Loko swi ri tano, yingisani rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka, a ma yimile evokweni ra xona ra xinene ni ra ximatsi.