Pisalema 103:15 - BIBELE Mahungu Lamanene

¹⁵ Masiku ya ku hanya ka munhu ma fana ni byanyi, kumbe swiluva swa nhova loko swi balekile:

Xitsonga (Bibele)

¹⁵ Loko a ri munhu, masiku ya yena ma kotisa byanyi, Wa baleka tani hi xiluva xa nhova.

Pisalema 103:15 Referans Kwoze

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,

Esaya 51:12

HOSI Xikwembu xi ri: “Mina hi xiviri, hi mina ndzi mi tiyisaka, kutani hikwalaho ka yini mi chava munhu, loyi a ngo va xivumbiwa lexi faka, lexi nga hambanangiki ni byanyi, xana?

Esaya 28:1

Yi ni khombo, harhi leyi swidakwa swa ka Efrayimi swi tinyungubyisaka ha yona: Swiluva swa yona swi ta vuna! Wu ni khombo muti wa vanhu vo hluriwa hi hinyo, lowu akiweke enhlohlorhini ya ntshava, lowu langutanaka ni masimu layo nona:

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Esaya 28:4

swiluva swa yona swi ta vuna! Muti lowu akiweke enhlohlorhini ya ntshava, lowu langutanaka ni masimu layo nona, wu ta fana ni makuwa ya matatana lawa loko vanhu va ma vona, va ma tsutsumelaka, va kha va dya.