Pisalema 103:12 - BIBELE Mahungu Lamanene

¹² Hilaha vuxa byi hambaneke kule hakona ni vupeladyambu, Xikwembu xi vekisa sweswo ku dyoha ka hina kule na hina.

Xitsonga (Bibele)

¹² Hi laha vuxa byi hambaneke ni vupeladyambu, U hambanyisile sweswo ku dyoha ka hina kule na hina.

Pisalema 103:12 Referans Kwoze

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Vaheveru 10:2

Loko onge wu swi kotile, xana magandzelo a ma nga ta yima ku humesiwa xana? Hikuva lava gandzelaka Xikwembu, loko onge va basisiwile hi ku hetiseka, a va ta titwa va nga ha ri na swidyoho!

2 SAMIELE 12:13

Kavaloko Davhida a ku ka Natani: “Ndzi dyohele HOSI Xikwembu.” Natani a ku ka Davhida: “HOSI Xikwembu xona xa ku rivalela; u nga ka u nga fi.

Yeremiya 50:20

Loko minkarhi leyi yi ta va yi fikile, vanhu va nge koti ku kuma nandzu kumbe xihoxo exikarhi ka Vaisraele ni va ka Yuda, hambiloko va ringeta swinene; ku ta va ku ri hava, hikuva ndzi ta va ndzi tsetselerile masalela ya vona, ndzi va rivalela swidyoho swa vona.”

Esaya 45:6

Kutani ku sukela evuxeni ku ya fika evupeladyambu, vanhu hinkwavo va ta swi tiva leswaku hi mina ntsena ndzi nga HOSI Xikwembu, ku hava un'wana.

Pisalema 113:3

Vito ra HOSI a ri dzunisiwe ku sukela evuxeni ku ya fika evupeladyambu.

Pisalema 50:1

HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Ezekiele 18:22

Milandzu hinkwayo leyi a nga tivangela yona, ú ta rivaleriwa yona, kutani a kuma ku hanya hi mhaka ya leswo lulama leswi a swi endlaka sweswi.

Mikiya 7:19

U ta tlhela u hi twela vusiwana, u herisa milandzu ya hina hinkwayo; swidyoho swa hina u ta swi cukumeta hinkwaswo, swi ya wela eswidziveni swa lwandle.