Pisalema 101:5 - BIBELE Mahungu Lamanene

⁵ La hlevaka van'wana ni ku va lumbeta, ndzi ta n'wi herisela makumu; munhu wa manyunyu ni ku tikukumuxa, a ndzi nga twanani na yena.

Xitsonga (Bibele)

⁵ Ndzi ta herisa la lumbetaka nakulobye exihundleni; Ndzi nga ka ndzi nga yingiseri wa mahlo lama tlakukeke ni wa mbilu leyi tidzunisaka.

Pisalema 101:5 Referans Kwoze

Pisalema 18:27

Hi wena la ponisaka vaxaniseki, kambe u tsongahata lava tikurisaka.

Pisalema 15:3

Munhu wo tano a nga lumbeti van'wana, a nga endleli nakulobye leswo biha, ú chava ku hleva muakelani wa yena.

Swivuriso 30:13

Ku ni vanhu lava tikurisaka ngopfu, lava tshamaka va ri karhi va tivamba-vamba.

Pisalema 50:20

Mi tshama mi ri karhi mi hleva va ka n'wina, mi lumbeta vamakwenu.

Tito 2:3

Byela ni vavasati lava kuleke leswaku va va ni mahanyelo lawa vanhu lavo hlawuleka va fanelaka ku va na wona; va nga vi na mahlevo, va nga vi mahlonga ya byalwa; a va dyondzise leswo lulama,

1 Vakorinto 5:11

Leswi a ndzi mi tsalela swona hileswaku mi nga tolovelani ni loyi a vuriwaka “makwerhu” kasi i muoswi, kumbe i munhu wa makwanga, kumbe i mugandzeri wa swikwembu swa hava, kumbe i murhukani, kumbe i xidakwa, kumbe i muxisi; munhu lowo tano, hambi ku ri ku dya mi nga dyi na yena.

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Swivuriso 20:19

Munhu wa gubya, ú paluxa swihundla, hikokwalaho, hambana ni munhu wo phyaphyarha ngopfu.

Ezekiele 22:9

Exikarhi ka wena, ku ni lava lumbetaka varikwavo, va endlela ku va dlaya; van'wana va ya dya nyama ya swifuwo swa magandzelo eswitsungeni, van'wana va endla swilo swa manyala exikarhi ka va ka vona.

Esaya 2:11

Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Swivuriso 25:23

Moya lowu humaka elwandle wu tisa mpfula; swi tano ni munhu la hlevaka, ú hlundzukisa van'wana.

Swivuriso 10:18

Munhu la fihlaka rivengo, ú hemba ngopfu, la lumbetaka van'wana, i xiphunta.

Pisalema 138:6

Hambileswi xi fumaka hinkwaswo, xi anakanya lava titsongahataka, kambe lava tikurisaka xi va vona va ha ri kule.”

1 SAMIELE 2:3

Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.

Levhitika 19:16

Mi nga fambi mi vulavula swo biha hi varikwenu; naswona mi nga humesi vumbhoni byo hemba lebyi byi nga dlayisaka warikwenu: Hi mina HOSI.

Eksoda 23:1

“Mi nga tshuki mi hangalasa timhaka leti nga riki na vumbhoni. Mi nga tshuki mi humesa vumbhoni byo hemba hi ku yima ni munhu wo homboloka ehubyeni.

Eksoda 20:16

“U nga tshuki u lumbeta munhu-kuloni hi vumbhoni byo hemba.

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

Swivuriso 21:4

Ku tikurisa ni manyunyu i rivoni ra lavo homboloka, kambe swa va dyohisa.