Pisalema 101:3 - BIBELE Mahungu Lamanene

³ ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!

Xitsonga (Bibele)

³ Ndzi nga ka ndzi nga veki leswo biha emahlweni ka mina; Ndza venga mitirho ya vadyohi; Yi nga ka yi nga ndzi namarheli,

Pisalema 101:3 Referans Kwoze

Pisalema 119:37

Ndzi pfune ku fularhela swilo swa hava, ndzi ta kuma vutomi etindleleni ta wena.

Ntirho 31:1

“Ndzi endlile ntwanano ni mahlo ya mina, ndzi ku, a ndzi nga ha languti vanhwanyana.

Swivuriso 6:25

U nga tshuki u navela ku saseka ka yena, ni ku copeta-copeta ka yena ku nga tshuki ku ku yenga.

Matewu 5:28

Kambe mina ndzi ri ka n'wina: Un'wana ni un'wana la langutaka wansati hi ku n'wi navela, ú n'wi oswile embilwini ya yena.

Pisalema 40:4

Ku katekile munhu loyi a tshembaka HOSI Xikwembu, loyi a nga twananiki ni lava tikurisaka, a hambana ni lava landzelelaka swikwembu swa hava.

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Duteronoma 15:9

Tivoneleni! Mi nga tshuki mi nghena hi moya wo biha, mi ku: ‘Lembe ra vu-7 ra ku tshika ku londzana swikweleti, ri le kusuhi’, kutani mi sungula ku va ni tihanyi eka makwenu loyi a nga xisiwana; loko mi nga n'wi nyiki nchumu, ú ta mi mangalela eka HOSI Xikwembu, kutani n'wina mi ta va ni nandzu.

2 Petro 2:21

A swi ta va swi antswile eka vona loko va nga tivanga ndlela ya ku lulama, ku ri na loko va yi tivile kutani va tlhelela ndzhaku va tshika nawu lowo hlawuleka lowu va nyikiweke wona.

Vagalatiya 4:9

Kambe leswi namuntlha mi tivaka Xikwembu (kumbe ndzi nga ku, leswi namuntlha Xikwembu xi mi tivaka), xana swi endlisa ku yini leswaku mi tlhelela eka mimoya leyi nga nyawuliki, leyi tsaneke ya misava leyi xana? Hikwalaho ka yini mi lava ku tlhela mi hundzuka mahlonga ya yona ke?

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Eklesiasta 6:9

Ku vona xilo hi mahlo, swi tlula ku xi navela hi mbilu, kambe na swona sweswo, a swi pfuni nchumu, i ku hlongorisa moya ntsena.

Yoxuwa 23:6

Hikokwalaho, mi fanele ku tshembeka, mi hlayisa ni ku endla hinkwaswo leswi swi tsariweke eka Buku ya Nawu wa Muxe; mi nga tshuki mi tlula ni xin'we xa swona,

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.

Pisalema 119:113

A ndzi twanani ni vakanganyisi, hikuva ndzi rhandza nawu wa wena.

Pisalema 78:41

A va tshikanga ku xi ringa, va xi vangela gome, xona Muhlawuleki wa Israele.

Pisalema 14:3

kambe hinkwavo va hambukile ndleleni, va onhakile ku fana, ku hava la endlaka leswinene, ku pfumaleka na un'we wa mhamba.

Eksoda 32:8

Va hambukile hi ku hatlisa endleleni leyi ndzi nga va lerisa yona; va tivumberile xifaniso xa rhole, va xi nkhinsamela ni ku xi humesela magandzelo, va ku: ‘N'wina Vaisraele, hi lexi Xikwembu xa n'wina lexi xi mi humeseke etikweni ra Egipta.’ ”

Mikiya 2:2

Vanhu lava, loko va navela masimu kumbe tindlu, vo tekela van'wana hi nkanu. Va xanisa munhu ni ndyangu wa yena, va n'wi tekela leswi nga ndzhaka ya yena.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Esaya 30:11

tshikani leswi mi swi endlaka, mi nga ha tirhi ntirho lowu, mi nga ha hi byeli nchumu hi ta Muhlawuleki wa Israele.’ ”

Pisalema 39:1

Ndzi vurile ndzi ku: “Eku hanyeni ka mina, ndzi ta tivonela leswaku ndzi nga dyohi hi ku vulavula ka mina; loko lavo homboloka va ha ri kusuhi na mina, ndzi ta pfala nomo, ndzi ku whí!”

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

Pisalema 97:10

N'wina mi rhandzaka HOSI Xikwembu, vengani leswo homboloka! HOSI Xikwembu xi sirhelela vutomi bya malandza ya xona, xi ma kutsula emavokweni ya lavo biha.

Pisalema 78:57

Va fularhele Xikwembu, va lwa na xona kukota vatata wa vona; a va nga tshembeki, va fana ni vurha bya ngoti yo debya.

Pisalema 36:3

Leswi a swi vulavulaka i mavunwa ni ku kanganyisa ntsena; ku tiva ni ku endla leswinene, ú swi tshikile khale.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

Duteronoma 13:17

Mi nga tshuki mi tihlawulela xilo ni xin'we xa leswi nyiketeriweke ku herisiwa, leswaku HOSI Xikwembu xi ta vohlisa vukari bya xona lebyi pfurhaka, kutani xi ta mi komba rirhandzu ra xona, xi mi tsetselela, xi mi andzisa hilaha xi tshembiseke vatata wa n'wina hakona.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Pisalema 139:22

Ndzi va venga ku tlula mpimo, hikuva i valala ni le ka mina.

Swivuriso 6:12

Munhu loyi a rhendzelekaka a ri karhi a hangalasa mavunwa, a nga pfuni nchumu, ú bihile.

Swivuriso 6:13

Ú famba a ri karhi a tshunyeta-tshunyeta, a tsala-tsala hansi hi swikunwana, a khwenuta-khwenuta vanhu;

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Zakariya 8:17

Mi nga bohi makungu ya ku onhelana, naswona mi nga pfumeli ku hlambanya hi mavunwa, hikuva swilo leswi hinkwaswo ndza swi venga! Ndzi vula sweswo mina HOSI.”