Pisalema 100:4 - BIBELE Mahungu Lamanene

⁴ Nghenani eTempeleni ya xona mi ri karhi mi nkhensa, mi nghena eswivaveni swa xona mi ri karhi mi yimbelela. Xi dzuniseni mi tlangela vito ra xona.

Xitsonga (Bibele)

⁴ Nghenani etinyangweni ta yena hi mikhenso, Ni le makupakupeni ya yena hi tinsimu; N'wi dzuniseni, mi vonga vito ra yena!

Pisalema 100:4 Referans Kwoze

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

1 TIKRONIKA 29:13

Hikokwalaho ha ku tlangela we Xikwembu xa hina, hi twarisa vito ra wena lero saseka!”

Pisalema 66:13

Ndzi ta tisa swifuwo swa magandzelo lama hisiwaka endlwini ya wena, ndzi hetisisa leswi ndzi tiboheke ku ku humesela swona,

Esaya 35:10

Loko HOSI Xikwembu xi va kutsurile, va ta vuya; va ta kongoma emutini wa Siyoni va ri karhi va ba minkulungwana; ntsako lowu nga heriki wu ta va khubumeta, va ta tshama va ri karhi va hlekelela va tsakile, maxangu ni ku konya swi ta nyamalala.

Pisalema 96:2

Yimbelelani mi dzunisa HOSI, mi tlangela vito ra yona; siku rin'wana ni rin'wana vulani leswaku Xikwembu i muponisi.

1 TIKRONIKA 29:20

Kutani Davhida a vulavula ni nhlengeletano hinkwayo, a ku: “Tlangelani HOSI, Xikwembu xa n'wina!” Hiloko nhlengeletano hinkwayo yi tlangela HOSI, Xikwembu xa vatata wa vona, va korhamisa tinhloko va xi khongela, kutani va tiboha ku tirhela hosi ya tiko.

Pisalema 65:1

We Xikwembu, swa fanela leswaku u dzunisiwa emutini wa Siyoni, ni swilo leswi vanhu va tiboheke ku ku humesela swona, a va swi humese.

Pisalema 95:2

A hi yeni emahlweni ka xona hi ri ni minkhenso, hi xi twarisa hi tinsimu,

Pisalema 96:8

Xi twariseni mi dzunisa vito ra xona, tanani eTempeleni ya xona mi ri ni swa magandzelo.

Pisalema 99:3

We HOSI, vanhu a va ku dzunise, hikuva vukulu bya wena bya chavisa, hi wena ntsena la kwetsimeke.

Pisalema 122:2

We Yerusalema, sweswi hi fikile, hi nghenile eka wena.

Pisalema 122:4

Hi kona tinxaka ta HOSI ti tlhandlukelaka kona ku ya yi tlangela, hilaha Vaisraele va lerisiweke hakona.