Pisalema 10:9 - BIBELE Mahungu Lamanene

⁹ Mahlo ya yena ma xiyaxiya lava tsaneke; ú bvutama a nga voniwi, ku fana ni nghala exihlahleni xa yona; ú tumbelela ku bvanyangeta swisiwana, a swi khoma, a swi kokela eritavaleni ra yena;

Xitsonga (Bibele)

⁹ Wa rindza emunyameni kukotisa nghala leyi nga ebakweni ra yona; Wa rindza ku khoma la nga enhlomulweni; A n'wi khoma, a n'wi koka hi ntlhamu wa yena.

Pisalema 10:9 Referans Kwoze

Pisalema 17:12

Va fana ni nghala, leyi nga ni mahika ya ku bvanyangeta; va bvutamile tanihi n'wana wa nghala exihlahleni.

Pisalema 59:3

Languta we HOSI, va ndzi tumbelela va lava ku ndzi dlaya, vanhu lava va tihanyi va ndzi xiyaxiya va lwa na mina; mina a ndzi tlulanga milawu, a ndzi dyohanga nchumu,

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Pisalema 35:10

Ndzi ta vula hi mbilu ya mina hinkwayo, ndzi ku: A ku na la fanaka na wena we HOSI, hikuva u kutsula swisiwana eka lava va swi xanisaka, u lwela vapfumari eka lava va va tekelaka swa vona.

Yohane 10:12

La tirhelaka mali, a nga riki murisi kumbe n'wini wa tinyimpfu, ú siya tinyimpfu a tsutsuma loko a vona xinkankanka xi ta; kutani xinkankanka xi ti vutla ni ku ti hangalasa.

Zakariya 11:3

Yingisani swirilo swa varisi va kona, hikuva ku twala ka vona loku hlamarisaka ku onhakile. Twanani ku bonga ka tinghala leti, hikuva swihlahla swa tona leswo saseka swa le Yordani, swi herisiwile.

Habakuku 3:14

Miseve ya wena yi tlhavile ndhuna ya mavuthu; mavuthu lawa, a ma humelerile tanihi xidzedze ma ta hi hangalasa; a ma tsakile tanihi loyi a xanisaka xisiwana exihundleni.

Amosi 3:4

Xana nghala yi nga bonga exihlahleni, yi nga kumanga lexi yi nga xi khomaka ke? Hambi n'wana wa nghala, xana wa vomba ebakweni, loko a nga vuyanga na nchumu xana?

Ezekiele 22:29

Vinyi va tiko va vile ni tihanyi, va kanganyisa varikwavo, va xanisa swisiwana ni vapfumari, va kandziyela ni lava luveleke etikweni.

Swirilo 3:10

Eka mina ú fana ni xinkankanka lexi xi ndzi bvutameleke, onge i nghala leyi yi ndzi tumbeleleke.

Esaya 32:7

Miehleketo ya mukanganyisi yi bihile, ú endla makungu layo homboloka, leswaku a ta onha timhaka ta swisiwana hi mavunwa, a swi kaneta hambiloko swi nga ri na nandzu.

Esaya 3:15

Xana mi xanisela yini vanhu va mina, mi kandziyelela yini swisiwana ehansi xana?” N'wini wa hinkwaswo ú vurisa sweswo, yona HOSI ya matimba hinkwawo.

Swivuriso 28:15

Munhu wo homboloka la fumaka tiko ra swisiwana, ú chavisa kukota nghala leyi bongaka kumbe xinkankanka lexi mpfhumpfhaka.

Swivuriso 22:16

Loyi a xanisaka xisiwana, wo xi fumisa, loyi a nyikaka van'wankumi, wo tichela vusiwana.

Swivuriso 14:31

Loyi a xanisaka xisiwana, ú le ku rhuketeleni ka Mutumbuluxi wa xona, kasi loyi a nga ni tintswalo eka vapfumari, ú dzunisa Muvumbi.

Pisalema 140:5

Vanhu lava va manyunyu va ndzi tumbelerile va lava ku ndzi phasa, endleleni ya mina va rhiyile mintlhamu, va veka ni swirimbana.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Timhaka 23:21

U nga tshuki u va pfumelela, hikuva vavanuna lava tlulaka 40 va n'wi tumbelele, va tibohile hi ku hlambanya, va ku: ‘Hi nga ka hi nga dyi ni ku nwa, loko hi nga si n'wi dlaya.’ Nisweswi va tilunghisile, va karhi va langutela leswaku u pfumela.”

Habakuku 1:15

Vakalediya va ringela vanhu hinkwavo hi swinjovo tanihi tinhlampfi; va va tsavula hi tinkoka ta vona, va va hlengeleta hi masole ya vona, kutani va cina hi ku tsaka.

Yeremiya 5:26

“Lavo homboloka va kona exikarhi ka vanhu va mina; un'wana ni un'wana ú le ku ongeni ku fana ni loyi a rhiyaka tinyanyana. Va le ku rhiyeni ka mintlhamu, va phasa vanhu ha yona.

Pisalema 37:14

Lavo homboloka va hloma matlhari va konga ni vurha, va lava ku herisa swisiwana ni lava pfumalaka, va ringeta ku dlaya lava lulameke;

Pisalema 109:31

hikuva yi yima ni mupfumari ehubyeni, yi n'wi lwela eka lava va n'wi avanyisaka.

Ntirho 38:40

vona lava etlelaka emabakweni, lava tumbelelaka swiharhi eswihlahleni xana?