Pisalema 10:7 - BIBELE Mahungu Lamanene

⁷ Nomo wa yena wu tele nhlambha, ni vumbabva, ni marito lama chavisaka; eku vulavuleni ka yena, ú haxa manyala ni vubihi.

Xitsonga (Bibele)

⁷ Nomu wa yena wu tele tinhlambha, ni ku xisa, ni mano; Ririmi ra yena ri fihlile lunya ni ku homboloka.

Pisalema 10:7 Referans Kwoze

Pisalema 7:14

Hi luya lowo homboloka, u ehleketa ku dyoha, manyala u lo hliki, hi wona, u humesa mavunwa ntsena.

Ntirho 20:12

“Leswo biha i swakudya leswo nandziha enon'weni wa munhu wo homboloka, swin'wana ú swi veka hansi ka ririmi ra yena,

Pisalema 144:11

We HOSI, ndzi sirhelele ematlharini lama ndzi xanisaka, u ndzi ponisa emavokweni ya vamatiko. Vanhu lava va vulavula mavunwa ntsena; loko va tiboha hi ku tlakusa voko ra xinene, va le ku hembeni!

Pisalema 140:9

Endla leswaku marito layo biha ya lava va ndzi hembelaka, ma vuya hi vona.

Pisalema 140:3

Marito ya vona ma tlhava kukota meno ya nyoka, ku vulavula ka vona ka dlaya ku fana ni vuxungu bya mhiri.

Pisalema 73:8

Va sandza van'wana, va vulavula leswo biha, va kanela makungu yo xanisa lava nga hansi ka vona.

Pisalema 64:3

hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Pisalema 59:12

Loko va vulavula, marito ya vona ma ku dyohela; a va phasiwe hi ku tikukumuxa ka vona, hikuva va tiva ntsena ku rhukana ni ku hemba.

Pisalema 52:4

Wena munhu wa ririmi ro kanganyisa, u tsakela marito hinkwawo lama onhaka.

Pisalema 36:3

Leswi a swi vulavulaka i mavunwa ni ku kanganyisa ntsena; ku tiva ni ku endla leswinene, ú swi tshikile khale.

Matewu 12:34

“N'wina rixaka ra timhiri, mi nga swi kotisa ku yini ku humesa marito lamanene, leswi mi nga lavo biha ke? Nomo wu vula leswi mbilu yi teleke swona.

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Esaya 59:4

Loko mi yisa mhaka ehubyeni leswaku yi ya kaneriwa, a mi lavi leswi lulameke, a mi tshembeki; mi vulavula mavunwa mi tshika ntiyiso, mi tshama van'wana xikungu, mi vanga makhombo.

Swivuriso 30:8

Vuxisi ni mavunwa, ndzi hambanyise na swona; vusiwana hambi rifuwo, u nga ndzi nyiki, ndzi phamele ntsena swakudya leswi swi ndzi ringanaka,

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Pisalema 144:8

Vanhu lava va vulavula mavunwa ntsena; loko va tiboha hi ku tlakusa voko ra xinene, va le ku hembeni!

Pisalema 62:4

Mi luka mano yo ndzi wisa exitulwini xa vuhosi. mi tsakela ku ndzi kanganyisa. Marito ya n'wina a hi ku tsakisa ka wona, kasi etimbilwini mi le ku ndzi rhukaneni.

Pisalema 58:3

Lavo homboloka va dyohile va ha ku velekiwa, vahembi valavo va lahlekile ku sukela evuhlangini bya vona.

Pisalema 55:21

Marito ya yena a ma tsokombela wonge i vulombe, kambe a a ehleketa ntsena ku pfuxa tinyimpi; ku vulavula ka yena a ku rhetela kukota mafurha, kambe embilwini a a hlome matlhari.

Pisalema 41:6

Loko un'wana a ta ku ta ndzi pfuxela, wo tela ku ta ndzi koya ntsena, a ri karhi a xopa-xopa leswi a nga ta ndzi onha vito ha swona loko a humile.

Pisalema 12:2

Hinkwavo ka vona, va byelana mavunwa; va kanganyisa hi ku vulavula swo tsakisa, kasi i vanhu va milomo mimbirhi.

Pisalema 5:9

Leswi humaka emilon'wini ya vona a swi na ntiyiso, timbilu ta vona ti tele vumbabva; hambiloko va vulavula swo tsakisa vanhu, minkolo ya vona i masirha lama ahlameke.

Ntirho 15:35

La tikeke hi leswo homboloka, ú veleka makhombo, makungu ya yena i vuxisi ntsena.”

Pisalema 50:19

“Milomo ya n'wina, mi yi tirhisa ku vulavula leswo homboloka, tindzimi ta n'wina ti tele vukanganyisi.

Pisalema 59:13

Eku hlundzukeni ka wena, va herise u va herisela makumu. A swi tiviwe ni le makun'wini ya misava leswaku va ka Yakobo va fumiwa hi wena we Xikwembu.

Amosi 8:4

Yingisani mhaka leyi, n'wina lava mi kandziyelaka swisiwana ehansi, n'wina mi herisaka vapfumari etikweni: