Pisalema 10:13 - BIBELE Mahungu Lamanene

¹³ Lowo homboloka ú sandzela yini Xikwembu, ú vulela yini hi mbilu, a ku: “Xi nga ka xi nga ndzi vutisi nchumu,” xana?

Xitsonga (Bibele)

¹³ Xana lowo homboloka a tsan'wela yini Xikwembu? Leswi a nga embilwini ya yena: “U nga ka u nga lavisisi”?

Pisalema 10:13 Referans Kwoze

Luka 10:16

“Loyi a mi yingisaka, wa ndzi yingisa; ni loyi a mi fularhelaka, wa ndzi fularhela. Loyi a ndzi fularhelaka, ú fularhela Loyi a ndzi rhumeke.”

Pisalema 74:18

We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

Pisalema 74:10

We Xikwembu, xana valala va ta ku hlekula ku fikela rini, xana lava lwaka na wena va ta ku sandza hilaha ku nga heriki xana?

2 TIKRONIKA 24:22

Siku hosi Yowasi a dlayaka Zakariya, a a rivarile tintswalo leti Yoyada tata wa Zakariya a n'wi endleleke tona. Kambe loko Zakariya a ri karhi a hlala, a huwelela a ku: “We HOSI, languta leswi endliwaka, u rihiseta!”

Tinhlayo 11:20

kambe mi ta yi dya n'hweti hinkwayo, yi kondza yi mi swirha timbilu, yi mi vabyisa, hikuva mi tshikile HOSI Xikwembu lexi nga exikarhi ka n'wina, mi tlhela mi rila emahlweni ka xona, mi ku, a mi fanele mi nga sukanga etikweni ra Egipta.’ ”

Genesa 9:5

Loko ngati ya munhu yi halatiwa, ndzi ta endla leswaku yi rihiwa: Hambi yi halatiwa hi xiharhi kumbe hi munhu, yi ta rihiwa.

1 Vatesalonika 4:8

Hikokwalaho, loyi a alaka xitsundzuxo lexi, a nga soli munhu, kambe ú sola Xikwembu lexi xi mi nyikaka Moya wa xona lowo Kwetsima.

Genesa 42:22

Kutani Rhuveni a ku ka vona: “A ndzi mi byelanga leswaku hi nga tshuki hi dyohela mufana luya, xana? Kambe n'wina a mi lavanga ku ndzi yingisa. Kutani sweswi, hi le ku biweni hikwalaho ka rifu ra yena.”

Duteronoma 29:18

Mi fanele ku tivonela, hikuva ku nga tshuka ku va ni wanuna kumbe wansati, kumbe vanhu va ndyangu wo karhi kumbe va nyimba yo karhi, lava namuntlha va fularhelaka HOSI Xikwembu xa hina, va ya va ya tirhela swikwembu leswi swa vamatiko. Exikarhi ka n'wina ku nga tshuka ku va ni ximilana xa mihandzu yo bava leyi dlayaka,

Ntirho 24:12

Emitini ya vona, lava dlawaka va cema, lava tlhaviwaka va kombela ku pfuniwa, kambe Xikwembu a xi na mhaka ni maxangu lawa.”

Ntirho 24:23

Xi nga va tshika va titwa va hlayisekile, kambe xi le ku xiyaxiyeni ka tindlela ta vona.