Obadiya 1:1 - BIBELE Mahungu Lamanene

¹ Lexi i xivono xa Obadiya, hi tlhelo ra leswi HOSI N'wini wa hinkwaswo a swi vuleke ehenhla ka va le Edomu. HOSI Xikwembu xi rhumile nandza wa xona ematikweni; mahungu ya kona hi ma kumile, lawa ya nge: “Sukani mi yima! A hi yeni hi ya hlasela Vaedomu!”

Xitsonga (Bibele)

¹ Hosi Yehovha u vulavula sweswo ehenhla ka Edomu, u ri: Hi twe mhaka leyi pfaka eka Yehovha, kutani murhumiwa u rhumiwe exikarhi ka matiko, u ri: “Pfukani, a hi pfukeni hi n'wi hlomela!”

Obadiya 1:1 Referans Kwoze

Yuwele 3:19

Tiko ra Egipta ri ta sala ri nga ha pfuni nchumu, ra Edomu ri ta hundzuka mananga lama omeke, hikuva va khomile vanhu va Yuda hi tihanyi, va halata ngati ya vanhu lava nga riki na nandzu, ematikweni ya vona.

Esaya 30:4

Vakulukumba lava mi va rhumeke, sweswi va fikile emutini wa Sowani, ni le mutini wa Hanesi.

Esaya 21:11

Lawa i mahungu ehenhla ka Edomu. Ndzi twa munhu la ndzi vitanaka a ri eSeyira, a ku: “We murindzi, u ri yini hi vusiku, xana byi ta hela rini ke?”

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Marka 13:7

Kutaku loko mi twa huwa ya tinyimpi ni mahungu-ndlela ya tinyimpi, mi nga chaveni, hikuva sweswo swi fanela ku humelela; kambe a hi wona makumu.

Matewu 24:6

Mi ta twa huwa ya tinyimpi ni mahungundlela ya tinyimpi; tivoneleni leswaku mi nga tshukisiwi, hikuva sweswo swi fanele ku humelela, kambe a hi wona makumu.

Mikiya 2:13

Murhangeri wa vona ú ta mbundzumuxa makhumbi emahlweni ka vona, nyangwa ya muti, va ta yi wisela ehansi, va hundza va famba. Mufumi wa vona, xona HOSI Xikwembu, xi ta famba na vona xi va rhangerile emahlweni.

Yeremiya 51:46

Mi nga ha tsemeki nhlana, mi nga chavi, loko mi twa leswi humelelaka etikweni ra Babilona, hikuva lembe leri, mi twa swin'wana, haxawu mi ta twa swin'wana kambe: Emisaveni ku ta va ni tinyimpi, hosi yin'wana yi ta pfukela hosi yin'wana!

Yeremiya 25:21

ni vanhu va le Edomu, ni va le Mowabu, ni Vaamoni;

Yeremiya 25:17

Kutani ndzi teka xinwelo lexi HOSI Xikwembu xi ndzi nyikaka xona, ndzi ya nwisa vamatiko hinkwavo lava HOSI yi ndzi rhumeke eka vona.

Esaya 21:12

Ndzi hlamula, ndzi ku: “Dyambu ri ta xa, kambe na byona vusiku byi ta vuya. Ku vutisa, a swi bihanga, mi nga ha tlhela mi ta vutisa.”

Genesa 25:30

Kutani Esawu a ku ka Yakobo: “Ndzi phamelenyana swilo sweswo swo tshwuka ndzi dya, hikuva ndzi ni ndlala swinene.” (Hikwalaho ka leswi, Esawu a thyiwa vito ra Edomu, hileswaku “ku tshwuka”.)

Genesa 36:8

Hikokwalaho Esawu a ya a ya tshama emagangeni ya Seyira. Esawu loyi hi yena Edomu.

Genesa 36:9

Leti i timhaka ta va ka Esawu, yena tata wa Vaedomu lava tshamaka emagangeni ya Seyira.

Ezekiele 35:1

HOSI Xikwembu xi vulavula na mina xi ku: