Ntirho 9:4 - BIBELE Mahungu Lamanene

⁴ Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

Xitsonga (Bibele)

⁴ Vutlhari ni matimba hinkwawo swi na xona: I mani la nga kanetanaka na xona, a vuya a hanya?

Ntirho 9:4 Referans Kwoze

Ntirho 36:5

“Xikwembu xi ni matimba, kambe a xi sandzi munhu; ina, xi ni matimba, makungu ya xona ma tiyile.

Vaefesa 3:20

Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Vaefesa 3:10

leswaku eminkarhini ya sweswi, hi ku tirhisa kereke, xi ta tivisa vutlhari bya xona hi matlhelo hinkwawo ya byona eka mimoya ya vundhuna ni ya matimba ehenhla matilweni.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Ntirho 9:19

Xikwembu hi xona xi nga ni matimba; xi nga vekiwa nandzu hi mani ehubyeni ke?

Vaefesa 1:19

mi ta tiva ni vukulu lebyi nga pimekiki bya matimba ya xona lama tirhaka exikarhi ka hina lava pfumelaka. Matimba lamakulu lawa,

Vaefesa 1:8

ti nga leti xi nga hi chululela tona! Hi vutlhari hinkwabyo bya xona ni ku anakanya hinkwako ka xona,

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Varhoma 11:33

Vukosi bya Xikwembu, ni vutlhari bya xona, ni vutivi bya xona, a hi ku enta ka swona! Makungu ya xona ma nga pimisiwa ku yini, ni tindlela ta xona ti nga twisisiwa ku yini xana?

Daniele 2:20

a ku: “A ku dzunisiwe vito ra Xikwembu hilaha ku nga heriki, hikuva vutlhari ni matimba, i swa xona.

Swivuriso 28:14

Ku katekile munhu loyi a chavaka HOSI Xikwembu minkarhi hinkwayo; kambe loyi a tinonon'hwisaka, ú ta wela ekhombyeni.

Pisalema 136:5

Ú vumbe matilo hi vutlhari. — Rirhandzu ra yena hi leri nga heriki —

Pisalema 104:24

We HOSI Xikwembu, mintirho ya wena a hi ku tala ka yona, hinkwayo u yi endlile hi vutlhari, misava yi tele hi leswi u swi vumbeke.

Ntirho 40:9

Xana u ni matimba yo ringana ni ya mina, u nga balekisa tilo ku fana na mina ke?

Ntirho 12:13

Kasi ntiyiso hi lowu: Vutlhari ni matimba swi na Xikwembu, hi xona xi tsundzuxaka vanhu, xi va nyikaka ku twisisa.

Ntirho 11:6

a xi ta ku komba swihundla swa vutlhari, hikuva ku twisisa ka xona ka hlamarisa; naswona tiva leswaku Xikwembu a xi ku banga hi ku ya hi vukulu bya swidyoho swa wena.

Ntirho 6:10

Moya wa mina a wu ta chaveleleka; emaxangwini ya mina lama nga heriki, a ndzi ta tsaka ngopfu, hikuva a ndzi alanga makungu ya Muhlawuleki.

2 TIKRONIKA 13:12

Swi tiveni ke, Xikwembu xi na hina, hi xona xi hi fambisaka. Vaprista va xona va ta ba timhalamhala, va hi vitana enyimpini leswaku hi ta lwa na n'wina. N'wina Vaisraele, mi nga ringeti ku lwa ni HOSI, Xikwembu xa vatata wa n'wina, hikuva mi nga ka mi nga poni.”

Ntirho 23:6

Xana Xikwembu xi nga kanetana na mina, leswi xi nga ni matimba lamakulu, ke? E-e! Kambe xi nga ndzi yingisa kunene.

Ntirho 24:22

Kambe hi matimba ya xona, Xikwembu xi hlongola lava tiyeke; loko xi pfuka, a va ha tshembi ku hanya.

Ntirho 25:2

“We Yobo, ku fuma ni ku chaviseka i swa Xikwembu, xi nyika ku rhula xi ri henhla ematilweni.

Ntirho 28:23

I Xikwembu ntsena xi tivaka ndlela ya vutlhari, ni ndhawu leyi byi tshamaka eka yona,

Ntirho 37:23

Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 38:36

I mani la byelaka magumba leswaku nambu wu ta tala, ni mimfukwana leswaku mpfula ya ximun'wana ya ta xana?

Ntirho 38:37

Vutlhari byo hlaya ntsengo wa mapapa byi na mani ke? Xana i mani la nga voyamisaka makhuwana ya le tilweni ma chulula mpfula,

Yeremiya 50:24

U lo tirhiyela ntlhamu wena Babilona u nga swi tivanga, kutani u phasiwile. Sweswi u khomiwile, u nge baleki, hikuva u ringetile ku lwa ni HOSI Xikwembu.

Eksoda 9:7

Loko Faro a vutisisa, a twa leswaku ni xin'we xa swifuwo swa Vaisraele a xi fanga; kambe hambiswiritano, a ya emahlweni a tinonon'hwisa, a nga tshiki vanhu leswaku va famba.

Eksoda 15:7

Eku dzunekeni ka wena lokukulu, u wisile lava va ku pfukeleke; u rhumerile vukari bya wena, byi va herisa ku fana ni byanyi bya mavivi.

2 TIKRONIKA 20:6

a khongela a ku: “We HOSI, Xikwembu xa vatata wa hina, hi wena Xikwembu xa le matilweni! Xana a hi wena u fumaka mimfumo hinkwayo laha misaveni ke? Ina, u ni matimba hinkwawo, ku hava loyi a nga lwaka na wena.

Ntirho 15:13

I Xikwembu lexi u xi hlundzukelaka, marito ya wena ma rhuketela xona!

Ntirho 41:2

U nga yi hulela muhalo, kumbe ku yi haka rhama hi mutwa xana?

Esaya 45:9

Ú ni khombo, munhu loyi a kanetanaka ni muendli wa yena! Mi tshama mi vona mbita yi kanetana ni muvumbi wa yona? Xana vumba byi nga vutisa loyi a byi pfuvaka, byi ku: “U lava ku vumba yini?” Xana mbita yi nga byela muvumbi wa yona leswaku a nga na vutivi ke?

Nahume 1:3

Hambileswi HOSI yi hlwelaka ku kariha, yi ni matimba lamakulu, yi nga ka yi nga tshiki lava nga ni nandzu. HOSI yi pfula ndlela ya yona hi xihuhuri ni bubutsa, mapapa i ritshuri leri pfuxiwaka hi milenge ya yona.