Ntirho 9:20 - BIBELE Mahungu Lamanene

²⁰ Hambileswi ndzi nga dyohangiki, marito ya mina ma ta ndzi kaneta; hambiloko ndzi nga onhanga nchumu, nomo wa mina wu ta ndzi avanyisa!

Xitsonga (Bibele)

²⁰ Hambi ndzi lulamile, nomu wa mina wu fanele ku ndzi vula lowo biha; Loko ndzi nga ri na nandzu, u ta ndzi vula ndzi ri mbabva.

Ntirho 9:20 Referans Kwoze

Ntirho 34:35

‘Yobo ú vula leswi a nga swi tiviki, marito ya yena a hi ya loyi a twisisaka timhaka.’

Yakobo 3:2

Hina hinkwerhu hi ni swihoxo leswo tala, kambe loko munhu a nga hoxi eku vulavuleni ka yena, munhu yoloye ú hetisekile, wa swi kota ku fuma miri wa yena hinkwawo.

1 Timotiya 6:5

naswona swi vanga ku holova exikarhi ka vanhu lava boleke miehleketo ni ku lahlekeriwa hi ntiyiso, lava ehleketaka leswaku vukhongeri i ndlela yo kuma rifuwo.

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Luka 10:29

Kambe yena, hi ku navela ku tiendla la lulameke, a ku ka Yesu: “Munhu-kulorhi i mani xana?”

Esaya 6:5

Kutani ndzi ku: “Yo, ndzi lovile, mina munhu wa milomo ya thyaka la tshamaka ni vanhu va milomo ya thyaka, hikuva ndzi vonile Hosi, xona Xikwembu xa matimba hinkwawo!”

Swivuriso 17:20

Munhu wa miehleketo yo gombonyoka, a nge humeleli, ni loyi a vulavulaka swo huma endleleni, ú wela ekhombyeni.

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Pisalema 130:3

We HOSI, loko onge wa hi hlayela swidyoho swa hina, xana i mani loyi a nga tiyelaka ku yima emahlweni ka wena we N'wini wa hina xana?

Ntirho 35:16

We Yobo, marito lawa ya wena i matlangwana, u phyaphyarha hi leswi u nga swi tiviki!”

Ntirho 9:2

“Ina swi tano, ndza swi tiva, kambe emahlweni ka Xikwembu, ku hava munhu loyi a lulameke.

Ntirho 4:17

‘Xana munhu a nga tivula la tengeke, la nga riki na xidyoho, emahlweni ka Xikwembu Muendli wa yena ke?

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Ntirho 9:15

Hambileswi ndzi nga riki na nandzu, ndzi nge xi hlamuli; ndzo kombela ntsena ku rivaleriwa hi xona, xona xi nga muavanyisi wa mina.

Ntirho 9:29

Leswi xi nga ta ndzi avanyisa, ndza ha tikarhatela yini xana?

Ntirho 9:28

mahlomulo ya mina lama taka ma ndzi heta matimba, hikuva ndza swi tiva, Xikwembu a xi nga tshiki ku ndzi veka nandzu.

Ntirho 10:15

Siku ndzi dyohaka, ndzi le khombyeni, kambe loko ndzi endla leswinene, ndzi tsandzeka ku tlakusa nhloko, hikuva ndzi tshikeleriwa hi mahlomulo, ndzi vona maxangu ntsena.

Ntirho 14:17

A wu ta rhungelela ku homboloka ka mina enkwameni, u tumbeta kona swidyoho swa mina.