Ntirho 9:2 - BIBELE Mahungu Lamanene

² “Ina swi tano, ndza swi tiva, kambe emahlweni ka Xikwembu, ku hava munhu loyi a lulameke.

Xitsonga (Bibele)

² “Ndzi tiva swinene leswaku swi tano! Munhu la faka a nga lulama hi ku yini emahlweni ka Xikwembu xana?

Ntirho 9:2 Referans Kwoze

Ntirho 4:17

‘Xana munhu a nga tivula la tengeke, la nga riki na xidyoho, emahlweni ka Xikwembu Muendli wa yena ke?

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Ntirho 25:4

Emahlweni ka xona, ku hava la pfumalaka nandzu, munhu wa nyama a nge vi la tengeke eka xona.

Pisalema 130:3

We HOSI, loko onge wa hi hlayela swidyoho swa hina, xana i mani loyi a nga tiyelaka ku yima emahlweni ka wena we N'wini wa hina xana?

Ntirho 34:5

Yobo ú vulavurile a ku: ‘Ndzi munhu wo lulama, kambe Xikwembu xi ala ku ndzi lwela.

Ntirho 33:9

U te: ‘Nandzu ndzi hava, a ndzi dyohanga nchumu, ndzi loyi a tengeke, xo biha a xi kona eka mina.

Ntirho 32:2

Mhaka leyi yi hlundzukisa munhu loyi va nge i Elihu, n'wana Barakele wa le Buzi, wa ndyangu wa ka Rhamu. Elihu a a hlundzukela Yobo hileswi a a tivula la nga dyohangiki, a veka Xikwembu enandzu.

1 TIHOSI 8:46

“Nkarhi wun'wana, va nga ku dyohela, hikuva a ku na munhu na un'we la nga dyohiki; kutani u ta va hlundzukela hi ku va nyiketa emavokweni ya valala va vona, va yisiwa va ri mahlonga ematikweni ya valala volavo, ya le kule kumbe ya laha kusuhani.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Ntirho 9:1

Kutani Yobo a hlamula a ku:

Ntirho 25:5

Leswi n'weti wu nga hatimiki ku ringana, na tona tinyeleti ti nga basangiki emahlweni ka Xikwembu,