Ntirho 8:22 - BIBELE Mahungu Lamanene

²² Lava va ku vengaka va ta khoma hi tingana, miti ya lavo homboloka yi ta nyamalala.”

Xitsonga (Bibele)

²² Lava ku vengeke va ta tela hi tingana; Kutani ntsonga wa lavo biha a wu nga ha vi kona.”

Ntirho 8:22 Referans Kwoze

Pisalema 132:18

Valala va yena ndzi ta va khomisa tingana, kutani vuhosi bya yena byi ta kula byi ndlandlamuka.”

Pisalema 109:29

Lava va ndzi hehlaka a va khomiwe hi tingana, a va ambexiwe tona ku fana ni xiambalo.

Pisalema 35:26

Lava tsakaka loko ndzi ri ekhombyeni, hinkwavo a va hlanganisiwe tinhloko; a va khomiwe hi tingana va nyumisiwa, vona lava tikurisaka emahlweni ka mina.

Ntirho 18:14

Va n'wi susa emutini wa yena, lowu a a tshamisekile eka wona, a nyiketiwa eka mufumi wa xivandla xa vafi.

Ntirho 8:18

kambe siku vasandzi lava va susiwaka etikweni ra vona, varikwavo va ta va landzula va ku: ‘A hi si tshama hi mi vona!’

Ntirho 7:21

U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Ntirho 4:21

Vutomi bya vanhu byi tsemiwa ku fana ni ngoti, va fa va nga twisisanga nchumu!’ ”

Ntirho 8:15

va tiseketela hi makhumbi ya tindlu ta vona, kambe wona ma wa, va ma khoma, kambe ma mbundzumuka!

Ntirho 9:1

Kutani Yobo a hlamula a ku:

Ntirho 15:34

Hakunene, ku tolovelana ni lava sandzaka Xikwembu, a swi tisi minkateko; la pfumelaka ku xaviwa, ú ta tshwela hi tindlu.

Ntirho 21:28

hikuva mi ri: ‘Yi kwihi yindlu ya nganakana, ntsonga wa lowo homboloka wu kwihi xana?’

Ntirho 36:6

Lavo homboloka, a xi va tshiki va hanya, xi lwela lava xanisiwaka,

Ezekiele 7:27

Mufumi wa tiko ú ta rila nkosi, tindhuna ta yena ti hela matimba, ni vaaki va tiko va oma swirho hi ku chava. Ndzi ta va endla leswi va endleke van'wana, ndzi va avanyisa hi maavanyisele ya vona, kutani va ta tiva leswaku HOSI Xikwembu, hi mina!”

Ezekiele 26:16

Varhangeri va matiko hinkwawo lama nga kusuhi ni lwandle, va ta suka eswiluvelweni swa vona, va hluvula swiambalo swa vona swo saseka swa vuhosi; va ta ambala swa nkosi, va titshamela ehansi va ri karhi va rhurhumela minkarhi hinkwayo, va chavisiwa hi leswi humelelaka kwala ka wena.

Swivuriso 14:11

Yindlu ya munhu wo homboloka yi ta hahluriwa, kasi dladla ra munhu wo tshembeka ri ta katekisiwa.

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”