Ntirho 8:13 - BIBELE Mahungu Lamanene

¹³ Swi tano ni vanhu lava rivalaka Xikwembu, lava va xi fularhelaka: Swilo leswi va swi tshembaka swi hatla swi nyamalala.

Xitsonga (Bibele)

¹³ Tindlela ta lava rivalaka Xikwembu ti tano, Ni ku langutela ka musandzi ka hela.

Ntirho 8:13 Referans Kwoze

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.

Ntirho 13:16

Hi ku endla sweswo, kumbexana ndzi nga pona, hikuva la lwaka ni Xikwembu a nge yimi emahlweni ka xona.

Ntirho 11:20

Kambe mahlo ya lavo homboloka a ma nga ha voni, ni ndlela yo baleka ha yona a va nga ha yi tivi; va to langutela ntsena siku ra vona ra ku fa!”

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.

Ntirho 15:34

Hakunene, ku tolovelana ni lava sandzaka Xikwembu, a swi tisi minkateko; la pfumelaka ku xaviwa, ú ta tshwela hi tindlu.

Swivuriso 12:7

Lavo homboloka va wela makumu, va nyamalala, kasi miti ya lavo lulama ya tiya.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Ntirho 20:5

minkulungwana ya lowo homboloka a yi hlweli ku hela, ntsako wa loyi a rivalaka Xikwembu, i wa nkarhinyana ntsena.

Duteronoma 8:19

Namuntlha ndzi hlambanya leswaku loko mo fularhela HOSI Xikwembu xa n'wina, kutani mi landzelela swikwembu swin'wana mi swi tirhela ni ku swi gandzela, mi ta heriseriwa makumu.

Matewu 24:51

kutani n'wini wa nandza loyi ú ta n'wi ba swinene, a n'wi cukumeta kun'we ni vakanganyisi, laha ku nga ta va ni minkosi, ni ku getsela ka meno.

Swirilo 3:18

Sweswi ndzi ri, a ndza ha hanyeli nchumu, a ndza ha ri na leswi ndzi nga swi langutelaka eka HOSI Xikwembu.

Esaya 51:13

Xana mi ndzi rivele mina HOSI, Muendli wa n'wina, mina ndzi vambeke matilo, ndzi veka ni misava evutshan'wini bya yona, xana? Mi tshamela yini mi ri ku chaveni ka vukari bya lava va mi xanisaka, lava lavaka ku mi herisa, xana? Vukari bya vona byi ta nyamalala!

Esaya 33:14

Vadyohi lava nga kona emutini wa Siyoni va tela hi rhumbu, lava nga vuliki nchumu hi Xikwembu va rhurhumela hi ku chava, va vutisana va ku: “Exikarhi ka hina, xana ú kona loyi a nga tshamaka ni ndzilo lowu hisisaka leswi, xana? Xana ú kona loyi a nga tiyiselaka malangavi yo ka ya nga timeki, xana?”

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Ntirho 36:13

“Lava vengaka Xikwembu, va tshama va xi hlundzukerile; loko xi va tshika va khomiwa, a va rili eka xona.

Ntirho 18:14

Va n'wi susa emutini wa yena, lowu a a tshamisekile eka wona, a nyiketiwa eka mufumi wa xivandla xa vafi.

Duteronoma 8:14

mi nga tshuki mi tikurisa, kutani mi fularhela HOSI Xikwembu xa n'wina lexi xi mi humeseke etikweni ra Egipta ni le vuhlongeni bya rona.

Duteronoma 8:11

“Tivoneleni, mi nga tshuki mi fularhela HOSI Xikwembu, hi ku rivala milawu ni swileriso ni swiletelo swa xona leswi ndzi mi byelaka swona, namuntlha.

Duteronoma 6:12

mi nga tshuki mi rivala HOSI Xikwembu lexi xi mi humeseke etikweni ra Egipta ni le vuhlongeni bya kona.

Ntirho 8:12

Swimila leswi hakunene swi hambana na swin'wana, swi oma swa ha ku rhumbuka, no tsemiwa swi nga si tsemiwa.

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.

Swivuriso 11:7

Loko lowo homboloka a fa, ku tshemba ka yena ka hela, ni rifuwo leri a tisetelaka ha rona a ra ha n'wi pfuni nchumu.

Pisalema 1:4

Kasi a swi tano eka lavo homboloka: Vona va fana ni mungu lowu hangalasiwaka hi moya.