Ntirho 7:6 - BIBELE Mahungu Lamanene

⁶ Masiku ya mina ma tsutsuma kukota nereta ya murhungi, ngoti ya kona yi hatla yi hela.

Xitsonga (Bibele)

⁶ Masiku ya mina ma tsemiwa hi ku hatlisa kukota xiluko xa muluki, Ma hangalaka, ku nga ri na ku tshemba.

Ntirho 7:6 Referans Kwoze

Ntirho 9:25

“Vutomi bya mina byi hatla byi hundza, byi nga vonanga minkateko, byi tsutsuma ku tlula masocha lama rhangelaka kalichi ya hosi;

Ntirho 17:15

Xana ndzi nga ha tshemba yini, i mani la nga pfuxaka ku tshemba loku ke?

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,

Swivuriso 14:32

Munhu wo homboloka ú wisiwa hi mintirho ya yena leyo biha, kasi lowo lulama ú sirheleriwa hi mahanyelo ya yena lamanene.

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Ntirho 17:11

“Masiku ya ku hanya ka mina ma herile, makungu ya mina, ni leswi a ndzi swi navela, swi onhakele makumu.

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

Yakobo 1:11

Dyambu ri huma ri ri ni ku hisa ka rona, ri vunisa nhova; swiluva swi wela hansi, ni ku saseka ka swona ka onhaka. Hi mukhuva wolowo, mufuwi na yena ú ta vuna a herisiwa, a ri karhi a landzelela swilo swa yena.

Vaefesa 2:12

Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Pisalema 102:11

Masiku ya mina ma nyamalala onge i ndzhuti nimadyambu, ndzi fana ni byanyi lebyi vunaka.

Ntirho 16:22

hikuva malembe ya mina ma hela, laha ndzi kongomeke kona, a ndzi nga ha vuyi!”

Ntirho 13:15

Xikwembu xi nga ndzi dlaya, ndza swi tiva, kambe ndzi ta xi andlalela mhaka ya mina.

Ntirho 6:11

Xana ndza ha hanyela yini xana? Swi nga antswa ndzi timeka ndzi hambana na swona.

Yeremiya 2:25

Mina HOSI ndzi ri, mi nga hlakati tintanghu ta n'wina, naswona mi nga tiomisi minkolo hi torha mi ri karhi mi landza swikwembu swa hava! Kambe n'wina mi hlamula mi ku: ‘A hi nga swi tshiki. Swikwembu swa hava ha swi tsakela, ha ha to swi tirhela!’

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

Ntirho 14:19

mati ya milambu ma guba maribye, ndhambi yi khukhula misava, kutani na wena u herisisa sweswo ku tshemba ka munhu!

Ntirho 17:16

Mina na ku tshemba koloko, hi ta rhelela hi ya exivandleni xa vafi, hi ta latiwa kun'we entshurini.”

Ntirho 19:10

Xi le ku ndzi fayeni ku fana ni khumbi ndzi ko ndzi hela, xi tsuvula ku tshemba ka mina tanihi murhi.

Ntirho 17:1

“A ndza ha koti nchumu, masiku ya mina ya ku hanya ma herile, ndzi langutane na sirha ntsena.