Ntirho 7:21 - BIBELE Mahungu Lamanene

²¹ U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

Xitsonga (Bibele)

²¹ A ku ndzi khomeri ku dyoha ka mina ha yini, U va u susa ku homboloka ka mina-ke? Hikuva ndzi ya etlela entshurini, U ta ndzi lava, kutani ndzi ta pfumaleka.”

Ntirho 7:21 Referans Kwoze

Daniele 12:2

Exikarhi ka lava etleleke emasirheni, ku ta pfuka lavo tala; van'wana va ta ya nghena evutomini lebyi nga heriki, kasi van'wana va ta ya eku soriweni, va khomisiwa tingana leti nga heriki.

Ntirho 10:14

Loko ndzi dyoha, u hatla u swi vona, u ala ni ku ndzi rivalela.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

Esaya 64:9

We HOSI, u nga hi kariheli ku tlula mpimo, u nga tsundzuki ku homboloka ka hina hilaha ku nga heriki; hi kombela leswaku u tsundzuka leswi: Hina hinkwerhu, hi vanhu va wena.

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.

Pisalema 103:15

Masiku ya ku hanya ka munhu ma fana ni byanyi, kumbe swiluva swa nhova loko swi balekile:

Pisalema 37:36

Kuteloko ndzi tlhela ndzi hundza ha kona, a ndza ha n'wi kumanga; ndzi lavile hinkwako, kambe a a nyamalarile.

Ntirho 17:14

Eka sirha, ndzi ta ku: ‘Hi wena tata wa mina’, ni le ka swivungu: ‘Mi mana wa mina ni vamakwerhu!’

Ntirho 10:9

Tsundzuka leswaku u ndzi endlile hi vumba ntsena; xana u lava leswaku ndzi tlhelela entshurini xana?

Ntirho 7:8

Wena mulanguteri wanga, a wu nga ha ndzi voni, u ta ndzi lava hi mahlo, kambe ndzi ta va ndzi fambile.

Ntirho 3:13

Loko a ndzi lo fa, ingi ndzi wisile, a ndzi ta va ndzi etlele, ndzi hambana ni maxangu,

2 SAMIELE 24:10

Endzhaku ka loko Davhida a hlayile vanhu, a biwa hi ripfalo, kutani a ku ka HOSI Xikwembu: “Ndzi dyohe ngopfu eka leswi ndzi swi endleke, kambe sweswi, we HOSI Xikwembu, ndzi kombela leswaku u susa nandzu wa mina nandza wa wena; hikuva leswi ndzi swi endleke i vuphukuphuku lebyikulu!”

Ntirho 8:1

Kutani Bilidada wa le Xuwaka a hlamula a ku:

Ntirho 9:28

mahlomulo ya mina lama taka ma ndzi heta matimba, hikuva ndza swi tiva, Xikwembu a xi nga tshiki ku ndzi veka nandzu.

Ntirho 13:19

I mani loyi a nga lavaka ku phikisana na mina, leswi ndzi nga kusuhi ni ku lova ndzi miyela ke?

Ntirho 27:19

Van'wankumi va ya eku etleleni va ha fumile, kambe loko va pfuka, swi nyamalarile!

Ntirho 33:9

U te: ‘Nandzu ndzi hava, a ndzi dyohanga nchumu, ndzi loyi a tengeke, xo biha a xi kona eka mina.

Ntirho 14:10

Kasi munhu yena wa fa, a latiwa esirheni; loko a khalutile, a nga ha kumeki.

Ntirho 20:8

Ú ta tihahela ku fana ni norho, a nga ha vonaki, a hlongorisiwa kukota xivono xa vusiku.