Ntirho 7:16 - BIBELE Mahungu Lamanene

¹⁶ Vutomi a bya ha ndzi tsakisi, ndzi karhele ku hanya; we Xikwembu, ndzi tshike, hikuva masiku ya mina ma hela.

Xitsonga (Bibele)

¹⁶ Ndzi phiriwa hi ku hanya! A ndzi rhandzi ku hanya hilaha ku nga heriki! Ndzi tshike, hikuva masiku ya mina i huhuto ntsena,

Ntirho 7:16 Referans Kwoze

Ntirho 10:1

“Ndzi karhele ku hanya; hikokwalaho ndzi lava ku boxa leswi swi ndzi vilerisaka, ndzi phofula leswi nga mbilwini ya mina.

1 TIHOSI 19:4

Kambe yena a hundzela emahlweni, mpfhuka wa siku rin'we emananga, kutani a ya tshama ehansi ka ximudyana, a kombela ku fa, a ku: “Sweswi swi ringene, we HOSI. Herisa vutomi bya mina, hikuva a ndzi tluli vakokwa wa mina hi vunene.”

Yonasi 4:8

Loko dyambu ri tlakukile, Xikwembu xi hungisa moya wo hisa ngopfu wa vuxa, kutani dyambu ri ba nhloko ya Yonasi, ku kondza loko a lava ku titivala. Hiloko a kombela ku fa, a ku: “Eka mina, ku hanya swi tlula hi ku fa.”

Pisalema 39:13

U nga ndzi swondzoloti, leswaku ndzi kota ku tsaka, ku nga si fika nkarhi wa mina wa ku rhurha, ndzi siya misava.”

Ntirho 14:6

Hikokwalaho, tshika ku n'wi honokela; hambana na yena a ta kota ku hefemula ku fana ni mutirhi loko a khumukile.

Ntirho 10:20

Masiku ya mina ya ku hanya ma komile ngopfu; ndzi tshike u hambana na mina, ndzi ta wisanyana,

Ntirho 9:21

Hakunene, nandzu ndzi hava, mina no wu tiva a ndzi wu tivi, ndzi karhele hi vutomi!

Ntirho 6:9

Xikwembu a xi ndzi kandziye xi ndzi pyanya, a xi ndzi be xi ndzi hetisa:

Yonasi 4:3

Sweswi HOSI, ndza ku kombela, teka moya wa mina, hikuva eka mina ku hanya swi tlula hi ku fa.”

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Pisalema 78:33

Hikokwalaho xi komisile masiku ya vona ya ku hanya, ma hundza tanihi moyanyana ntsena, xi herisa vutomi bya vona hi makhombo.

Pisalema 62:9

Vanhu hinkwavo, lavakulu ni lavatsongo, a hi nchumu, vo va moyanyana ntsena; loko va pimiwa exikalwini, va vevuka ku tlula ni risiva rinene.

Pisalema 39:10

U nga ha ndzi bi, hikuva nkhavi wa wena wa ndzi vavisa.

Genesa 27:46

Kutani Rhaveka a ku ka Isaka: “Mina ndzi dyisiwa mbitsi hi vavasati lava va Vahiti. Loko na yena Yakobo o teka nsati wa Muhiti kwala tikweni leri, wo fana ni vavasati lava, xana ndza ha ta va ndzi hanyela yini xana?”

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Ntirho 7:15

A swi ta antswa loko ndzi tihinga ndzi fa, ku ri ni ku sala marhambu hi ndlela leyi.

Pisalema 78:39

Xi swi tivile leswaku i vanhu va nyama ni ngati ntsena, ni leswaku va fana ni moyanyana lowu hungaka wu nga ha vuyi.

Yeremiya 8:3

Hinkwavo lava poneke ku fa, erixakeni leri ra vanhu lavo homboloka, va nga lava ndzi nga ta va hangalasa ni matiko, va ta phirhiwa hi vutomi va navela rifu ntsena. Ndzi vula sweswo mina HOSI ya matimba hinkwawo.”

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Eklesiasta 2:17

Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.