Ntirho 6:27 - BIBELE Mahungu Lamanene

²⁷ N'wina mi xavisa ni swisiwana hi ku hoxa vuhlolotwana, mi endla bindzu hi ku tshika vanghana va n'wina!

Xitsonga (Bibele)

²⁷ Mi tikerisa xisiwana, Mi celela nakuloni marindzi.

Ntirho 6:27 Referans Kwoze

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Nahume 3:10

Hambiswiritano, muti wa Teba wu rhurhisiwile, wu ya evukhumbini; swihlangi swa wona swi phyandlasiwile emahandzeni ya tindlela hinkwato; va pambulelana vachaviseki va wona hi ku hoxa vuhlolotwana, kutani tinganakana ta wona hinkwato ti bohiwile hi tinketani.

Yuwele 3:3

Va pambulenanile vanhu va mina hi ku tirhisa vuhlolotwana, va xava nghwavava hi mufana, vhinyo va yi xava hi nhwanyana, va nwa va yi heta.

Pisalema 7:15

U cela rindzi a ri entisa, kambe a tlhela a ya wela eka rona.

Ntirho 24:9

Xihlangi xo feriwa hi tata wa xona xi susiwa veleni ra mana wa xona, vapfumari va tekeriwa swilo swo khomela milandzu ya vona.

Ntirho 24:3

Va byisa mbhongolo ya n'wana wo pfumala vatswari, ni homu ya noni, va yi khomela milandzu.

Ntirho 22:9

U tlherisile tinoni ti nga kumanga nchumu, lava pfumalaka vatswari, u va hete matimba.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Ezekiele 22:7

Exikarhi ka vanhu va wena, vatswari a va ha xiximiwi, valuveri va xanisiwa ngopfu, tinoni ni lava feriweke hi vatswari va tshikeleriwa.

Yeremiya 18:22

Va tisele swigevenga swi hatla swi va hlasela, va sala va ba nkalanga emitini ya vona! Vanhu lava va cerile khele leswaku ndzi wela eka rona, va rhiyile ntlhamu wo ndzi phasa ha wona.

Yeremiya 18:20

Leswinene a swi hakeriwi hi leswo biha! Kambe mina va ndzi celela sirha; anakanya hilaha ndzi yimeke hakona emahlweni ka wena, ndzi ri karhi ndzi va khongelela, leswaku u rheleta vukari bya wena, u nga ha va bi.

Pisalema 82:3

Pfunani lava tsaneke ni lava pfumalaka vatswari, mi lwela tifanelo ta lava titsongahataka ni ta swisiwana.

Pisalema 57:6

Valala va mina va ndzi rhiyele ntlhamu, kambe ndzi wu wachukisile! Endleleni ya mina va cerile khele, kambe lava nga wela eka rona hi vona vinyi!

Ntirho 31:21

Xana ndzi tshama ndzi ba xisiwana ehubyeni, loko ndzi titwa ndzi seketeriwa ke?

Ntirho 31:17

Xana ndzi lo dya ndzi ri ndzexe, ndzi tsona vana vo pfumala vatswari ke?

Ntirho 29:12

hikuva a ndzi pfuna swisiwana leswi rilaka, ndzi pfuna ni lava pfumalaka vatswari kumbe vahlayisi.

Eksoda 22:21

“Mi nga tshuki mi khoma valuveri hi tihanyi kumbe ku va xanisa, hikuva na n'wina mi vile valuveri etikweni ra Egipta.