Ntirho 6:22 - BIBELE Mahungu Lamanene

²² Xana ndzi tshama ndzi ku: ‘Ndzi nyikeni swo karhi!’ kumbe: ‘Ndzi pambuleleni rifuwo ra n'wina!’ xana?

Xitsonga (Bibele)

²² Xana ndzi te eka n'wina: ‘Ndzi heni, Ndzi humeseleni tinyiko hi rifuwo ra n'wina,’ xana?

Ntirho 6:22 Referans Kwoze

Timhaka 20:33

A ndzi lavanga mali ya silivhere kumbe ya nsuku, hambi xi ri xiambalo, eka munhu ni un'we.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

1 SAMIELE 12:3

Hi mina loyi! Loko ndzi mi hoxerile, vulani sweswi emahlweni ka HOSI Xikwembu, ni le mahlweni ka Sawulo muhlawuriwa wa xona. Xana i mani loyi ndzi tshamaka ndzi n'wi tekela homu ya yena kumbe mbhongolo ya yena xana? Xana ndzi dyelerile mani? I mani loyi ndzi n'wi xaniseke xana? Xana ndzi amukerile mali eka mani yo ndzi pfala nomo xana? Loko a ri kona ndzi nga n'wi tlherisela.”

Ntirho 6:21

N'wina mi fana ni swinambyana sweswo; mi vonile ku xaniseka ka mina, kambe sweswi mi tlhelela ndzhaku.

Ntirho 6:23

Xana ndzi tshama ndzi ku: ‘Ndzi ntshunxeni eka valala va mina!’ kumbe: ‘Ndzi lamuleleni eka vanhu va tihanyi!’ xana?