Ntirho 6:21 - BIBELE Mahungu Lamanene

²¹ N'wina mi fana ni swinambyana sweswo; mi vonile ku xaniseka ka mina, kambe sweswi mi tlhelela ndzhaku.

Xitsonga (Bibele)

²¹ Swi tano na n'wina, mi herile, Mi vona khombo ra mina, kutani ma chava!

Ntirho 6:21 Referans Kwoze

Pisalema 38:11

Vanghana va mina, vona lava ndzi va rhandzaka, va ndzi tshikile ekhombyeni, va ka hina na vona va ndzi fularhela.

2 Timotiya 4:16

Eku sunguleni ka ku tihlamulela ka mina ehubyeni, ku pfumalekile ni un'we wo yima na mina; hinkwavo va ndzi balekerile. Ingi va nga vekiwi nandzu eka swona.

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Matewu 26:31

Kutani Yesu a ku ka vona: “Vusiku byebyi, mi ta khunguvanyeka hinkwenu hikwalaho ka mina, hikuva ku tsariwile leswaku: “ ‘Ndzi ta ba murisi, kutani tinyimpfu ta ntlhambi ti ta hangalaka.’

Yeremiya 51:9

Valuveri va ri: “Hi ringetile ku horisa Babilona, kambe hi tsandzekile. A hi humeni hi famba, un'wana ni un'wana a kongoma etikweni ra rikwavo, hikuva HOSI Xikwembu xi bile muti lowu hi nkhavi lowo vava, lowukulu ngopfu.

Esaya 2:22

Tshikani ku tshemba munhu, hikuva i xivumbiwa lexi faka, a nga pfuni nchumu!

Swivuriso 19:7

Leswi xisiwana xi nyenyiwaka ni hi vamakwavo wa xona, xana vanhu ntsena, vona, va nga tshinerisa ku yini kusuhi na xona ke? Loko xi lava ku vulavula na vona, vo hambana na xona.

Pisalema 62:9

Vanhu hinkwavo, lavakulu ni lavatsongo, a hi nchumu, vo va moyanyana ntsena; loko va pimiwa exikalwini, va vevuka ku tlula ni risiva rinene.

Ntirho 13:4

N'wina mo tlhandleka mavunwa ehenhla ka mavunwa, vun'anga bya n'wina hinkwenu i bya hava.

Ntirho 6:15

Vanghana va mina va ndzi kanganyisile ku fana ni nambu lowu phyeke, kukota swinambyana leswi khulukaka enkarhini wa timpfula ntsena.

Ntirho 6:22

Xana ndzi tshama ndzi ku: ‘Ndzi nyikeni swo karhi!’ kumbe: ‘Ndzi pambuleleni rifuwo ra n'wina!’ xana?

Ntirho 19:19

Vanghana va mina hinkwavo va ndzi hundzukele, ndzi tshikiwa hi lava a va ndzi rhandza khale.