Ntirho 6:13 - BIBELE Mahungu Lamanene

¹³ A ndza ha ri na matimba, ku pfumaleka ni loyi a nga ndzi pfunaka.”

Xitsonga (Bibele)

¹³ A ndzi ku, a ku na ku pfuniwa eka mina, Ku kutsuriwa ku tshinele ekule na mina xana?

Ntirho 6:13 Referans Kwoze

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Ntirho 26:2

“Munhu la pfumalaka matimba, we Bilidada, u ri, wa n'wi pfuna! U ri, u seketela loyi a tsaneke!

Ntirho 19:28

Loko mi vula leswaku mi lava ku engeta mi ndzi xanisa, mi ko mi kuma xivangelo xa khombo leri ra mina,

Ntirho 13:2

Leswi mi swi tivaka, na mina ndza swi tiva, a mi ndzi tluli hi nchumu.

Vagalatiya 6:4

Un'wana ni un'wana a a kambisise ntirho wa yena, ku ri kona laha a nga kotaka ku tidzunisa hi swa yena, ku nga ri hi swa un'wana;

Ntirho 6:12

Mina ndzi munhu wa nyama ni ngati, a ndzi ribye kumbe nsimbhi!

Ntirho 26:3

Kambe u n'wi tsundzuxile yini, munhu loyi wo pfumala vutlhari, u n'wi kombile vutivi bya wena hi ndlela yihi, xana?

Ntirho 16:7

Hakunene Xikwembu xi ndzi hetile matimba, xi herisile va ndyangu wa mina hinkwawo.