Ntirho 6:10 - BIBELE Mahungu Lamanene

¹⁰ Moya wa mina a wu ta chaveleleka; emaxangwini ya mina lama nga heriki, a ndzi ta tsaka ngopfu, hikuva a ndzi alanga makungu ya Muhlawuleki.

Xitsonga (Bibele)

¹⁰ Loko ngi swi tano, ngi ndzi ta va ni ku chavelela, Ni ku tsaka emakhombyeni lawa ndzi tikeriwaka ha wona, Hikuva a ndzi tlulanga ku lerisa ka Lowo kwetsima.

Ntirho 6:10 Referans Kwoze

Ntirho 23:12

A ndzi tshikanga swileriso swa xona, ndzi hlayisile milawu ya xona leyi xi ndzi letelaka ha yona.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Levhitika 19:2

ku ya tivisa ntshungu hinkwawo wa Vaisraele marito ya xona lama nge: “Hlawulekani, hikuva ndzi hlawulekile mina HOSI, Xikwembu xa n'wina.

Nhlavutelo 4:8

Xin'wana ni xin'wana xa swivumbiwa leswi hanyaka leswi swa mune, a xi ri ni timpapa ta 6 leti nga tala hi mahlo hinkwako, endzeni ni le handle. Kutani vusiku ni nhlekanhi swi yimbelela swi nga miyeli, swi ku: “Wa kwetsima, wa kwetsima, wa kwetsima, loyi a nga Hosi ya matimba hinkwawo, loyi a a ri kona, loyi a nga kona, loyi a taka.”

Nhlavutelo 3:7

“Tsalela ni ntsumi ya kereke ya le Filadelfiya, u ku: “ ‘Loyi a kwetsimeke, la nga wa ntiyiso, la tameleke xilotlelo xa Davhida, la pfalulaka ku ri hava loyi a nga ta pfala, la pfalaka ku ri hava loyi a pfalulaka, ú vula sweswo ú ri:

Varhoma 8:32

Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Timhaka 20:20

Ma swi tiva leswaku a ndzi mi fihlelanga nchumu xa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n'wina.

Habakuku 3:3

Xikwembu xi ta tlhela xi ta hi le Temani, Muhlawuleki ú ta rhelela hi le ntshaveni ya Parani. Vukulukumba bya yena byi funengeta matilo, ku dzuneka ka yena ku tata misava.

Habakuku 1:12

Xana a hi wena la nga HOSI ku sukela emasungulweni ya hinkwaswo xana, wena Xikwembu xanga ni Muhlawuleki wanga, wena la nga riki na ku fa, xana? Wena HOSI, u hlawurile Vakalediya ku hi avanyisa; wena Ribye ra masungulo, u va vekile ku hi tshinya.

Hosiya 11:9

Ndzi ta hambana ni ku hlundzuka ka mina lokukulu, a ndzi nga ha engeti ndzi herisa va ka Efrayimi, hikuva mina ndzi Xikwembu, a ndzi munhu; mina la kwetsimeke, ndzi le xikarhi ka n'wina, a ndzi nga ti ndzi ta mi herisa.

Pisalema 119:13

Minkarhi hinkwayo, ndzi lava ku byela van'wana hinkwaswo leswi u swi boheke loko u vulavula.

Pisalema 37:30

Nomo wa munhu wo lulama wu humesa swa vutlhari, ririmi ra yena ri vulavula leswi lulameke.

Ntirho 22:22

Pfumela leswaku xi ku dyondzisa milawu, u hlayisa marito ya xona embilwini ya wena.

Ntirho 21:33

ú landzeleriwa hi vanhu lavo tala, emahlweni ku rhangile ntshungu lowukulu; loko va seleterile, misava ya kona a yi n'wi tikeli.

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

Ntirho 3:22

A va ta tsaka va tsakisisa, loko ingi va nga ya latiwa esirheni.

1 SAMIELE 2:2

A ku na la kwetsimaka tanihi HOSI; ehandle ka yona, ku hava xin'wana Xikwembu; a ku na ribye leri tiyeke kukota Xikwembu xa hina.

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Ntirho 11:4

Wena Yobo, u ri leswi u swi ehleketaka swi lulamile; u tivula la nga riki na xisandzu emahlweni ka Xikwembu.

Ntirho 15:11

Leswi hi ku chavelelaka hi vito ra Xikwembu, u bakanyela yini marito ya hina ya musa ke?

Ntirho 23:11

Ndzi landzelerile ntila wa Xikwembu, a ndzi hambukanga endleleni ya xona.

Pisalema 119:50

Loko ndzi ri nhlomulweni, ndza chaveleleka, hikuva switshembiso swa wena swi ndzi nyika vutomi.