Ntirho 5:17 - BIBELE Mahungu Lamanene

¹⁷ “Ku katekile munhu loyi Xikwembu xi n'wi tshinyaka, hikokwalaho u nga ali ku xupuriwa hi xona, xona Xikwembu-xa-matimba-hinkwawo.

Xitsonga (Bibele)

¹⁷ “Vonani, ku katekile munhu loyi Xikwembu xi n'wi layaka! U nga soli nkhavi wa la nga ni matimba hinkwawo,

Ntirho 5:17 Referans Kwoze

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Pisalema 94:12

Ku katekile munhu loyi a layiwaka hi wena, we HOSI, loyi u n'wi dyondzisaka Nawu wa wena.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Yakobo 5:11

Langutani, lava hi vulaka leswaku va katekile, hi lava va tiyiseleke. Mi twile ta ku tiyisela ka Yobo, nakona mi vonile leswi Hosi a yi kongomile swona, ni hilaha Hosi yi taleke musa ni tintswalo hakona.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Ntirho 8:5

Kambe wena, yana eka Xikwembu, u ya kombela leswaku xi ku twela vusiwana, hikuva xi ni matimba hinkwawo.

Ntirho 11:13

“Wena Yobo, veka miehleketo ya wena eka Xikwembu, tlakusa mavoko u khongela xona.

Ntirho 15:11

Leswi hi ku chavelelaka hi vito ra Xikwembu, u bakanyela yini marito ya hina ya musa ke?

Ntirho 36:15

Loko va ri vaxaniseki, Xikwembu xi tirhisa maxangu ku va ntshunxa, xi va hlamula hi mahlomulo.

Ntirho 36:16

“We Yobo, Xikwembu a xi ku tsavurile emakhombyeni, xi ku veka exivandleni lexi anameke, xi ku phamela swa mafurha ntsena.

Duteronoma 8:5

Twisisani swinene leswaku HOSI Xikwembu xi mi laya ku fana na tatana loyi a layaka n'wana wa yena.

Pisalema 118:18

Xi ndzi bile ngopfu, kambe a xi pfumelanga leswaku ndzi fa.