Ntirho 42:9 - BIBELE Mahungu Lamanene

⁹ Hiloko Elifasi wa le Temani, na Bilidada wa le Xuwaka, na Sofara wa le Naamani, va ya endla hilaha HOSI Xikwembu xi va leriseke hakona, kutani xona xi amukela xikhongelo xa Yobo.

Xitsonga (Bibele)

⁹ Kutani Elifasi wa Temani, na Bilidada, wa Xuwaka, na Sofara wa Naama, va ya endla hi laha Yehovha a va byeleke hakona, kutani Yehovha a yingisa xikhongelo xa Yobo.

Ntirho 42:9 Referans Kwoze

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

Timhaka 9:6

Kambe pfuka u yima, u nghena emutini, kutani u ta byeriwa leswi u fanelaka ku endla swona.”

Timhaka 10:33

Hikokwalaho ndzi hatlisile ku rhuma vanhu eka wena; kutani u endlile swona loko u tile; sweswi ke hinkwerhu hi tshamile swin'we, laha mahlweni ka Xikwembu, ku yingisa hinkwaswo leswi Hosi yi ku leriseke swona.”

Matewu 7:24

“Hikwalaho ke un'wana ni un'wana la yingisaka marito ya mina lawa, a va a famba ha wona, ú ta fana ni wanuna lowo tlhariha la akeke yindlu ya yena eribyeni.

Yohane 2:5

Mana wa yena a ku ka malandza: “Endlani hinkwaswo leswi a nga ta mi byela swona.”

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Ntirho 42:8

Kutani sweswi, tekani tinkuzi ta 7 ni tinyimpfu ta makhuna ta 7, mi ya na swona eka nandza wa mina Yobo, mi fika mi humesa ha swona emagandzelo lama hisiwaka. Yobo ú ta mi khongelela, kutani mina ndzi ta amukela xikhongelo xa yena; a ndzi nga mi bi, hambileswi mi ndzi lumbeteke, mi nga fani na Yobo nandza wa mina.”

Ntirho 22:27

U ta xi khongela, kutani xi ta ku twa; u ta xi humesela leswi u tiboheke ku xi nyika swona.

Ntirho 2:11

Yobo a a ri ni vanghana vanharhu: Elifasi wa le Temani, na Bilidada wa le Xuwaka, na Sofara wa le Naamani. Loko vanhu lava va twa ta makhombo hinkwawo lama weleke Yobo, va twanana ku ya n'wi chavelela ni ku n'wi tiyisa nhlana, kutani va fambisa sweswo va ya eka yena.

Ntirho 42:10

Loko Yobo a hetile ku khongelela vanghana va yena, HOSI Xikwembu xi n'wi tlherisela rifuwo ra yena, ri tlula kambirhi leswi a a ri na swona eku sunguleni.

Ezekiele 14:14

mina HOSI N'wini wa hinkwaswo ndzi ri: Hambiloko vavanuna lava vanharhu, Nowa na Daniele na Yobo, a vo va kona etikweni rero, ku lulama ka vona a ku ta ponisa vona vinyi ntsena.

Genesa 20:17

Hiloko Abrahama a khongela Xikwembu, kutani xona xi horisa Abimeleke ni nsati wa yena, ni mahlonga ya yena ya xisati, leswaku va kota ku kuma vana,

Ntirho 22:30

Hambi va ri lava nga ni nandzu, xi ta va ntshunxa, hikwalaho ka mintirho ya wena leyi tengeke.”