Ntirho 42:11 - BIBELE Mahungu Lamanene

¹¹ Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Xitsonga (Bibele)

¹¹ Kutani vamakwavo hinkwavo va xinuna ni va xisati, ni hinkwavo lava a nga tivana na vona, va ta eka yena, va dya na yena endlwini ya yena, va hlangula mihloti ya yena va n'wi chavelela eku vavisekeni ka yena hinkwako loku Yehovha a ku tiseleke ehenhla ka yena; un'wana ni un'wana a n'wi nyika xiphemu xa silivhere ni sindza ra nsuku.

Ntirho 42:11 Referans Kwoze

Ntirho 2:11

Yobo a a ri ni vanghana vanharhu: Elifasi wa le Temani, na Bilidada wa le Xuwaka, na Sofara wa le Naamani. Loko vanhu lava va twa ta makhombo hinkwawo lama weleke Yobo, va twanana ku ya n'wi chavelela ni ku n'wi tiyisa nhlana, kutani va fambisa sweswo va ya eka yena.

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Genesa 24:22

Loko tikamela ti hetile ku nwa mati, lowa nandza a humesa xingwavila xa nsuku xo tika 6 g, ni masindza mambirhi ya nsuku yo tika 120 g lawa Rhaveka a nga ta bela emavokweni.

Vaheveru 12:12

Hikokwalaho, tiyisani mavoko ya n'wina lama debyaka, ni matsolo ya n'wina lama gudlaka.

Vaheveru 13:3

Anakanyani lava nge khotsweni, ku fana ni loko onge na n'wina mi ri ekhotsweni na vona; kutani ni lava va xanisiwaka, mi fanele ku titwa mi ri na vona, hikuva na n'wina mi ni miri.

1 Vakorinto 12:26

Loko xirho xin'wana xi twa ku vava, swirho hinkwaswo swi vaviseka na xona; ni loko xirho xin'wana xi dzunisiwa, swirho hinkwaswo swi tsaka na xona.

Varhoma 12:15

Tsakani ni lava tsakaka, mi rila ni lava rilaka.

Ntirho 16:5

Kambe eku heteleleni a ndzi ta mi chavelela, ndzi mi khongotela eku vavisekeni ka n'wina.

Ntirho 4:4

Marito ya wena ma pfuxile lava a va lava ku wa, vanhu lava tsaneke, u va tiyisile.

1 SAMIELE 10:27

Kambe vanhu lavo biha vona a va ku: “Munhu yoloyi a nga hi lamulerisa ku yini xana?” Vanhu lava, a va n'wi tsan'wa va nga n'wi tiseli ndzuvo, kambe Sawulo yena a timiyelela.

Yoxuwa 24:32

Marhambu ya Yosefa lawa Vaisraele va humeke na wona etikweni ra Egipta, va ma celerile eXikeme, endhawini leyi Yakobo a yi xaveke eka vana va Hamoro tata wa Xikeme hi mali ya tisilivhere ta 100. Kutani ndhawu leyi yi vile ndzhaka ya vatukulu va Yosefa.

Genesa 37:35

Vana va yena hinkwavo va xinuna ni va xisati va ya va ya n'wi khongotela, kambe yena a ala ku khongoteriwa, a ku: “E-e, ndzi ta kala ndzi fa ndzi landza n'wananga exivandleni xa vafi ndza ha rila.” Kutani Yakobo a rila n'wana wa yena hi ndlela yoleyo.

Genesa 24:53

Kutani a humesa swo bomba ha swona swa silivhere ni swa nsuku ni swiambalo, a nyika Rhaveka. A nyika ni makwavo wa yena ni mana wa yena swilo swa nkoka swinene.

Yohane 11:19

Kutani Vayuda lavo tala a va tile ka Marta na Mariya ku ta va chavelela hikwalaho ka rifu ra makwavo wa vona.

Swivuriso 14:20

Xisiwana a xi tsakeli hi munhu, hambi va ri vaakelani va xona, kasi n'wankumi ú ni vanghana lavo tala.