Ntirho 40:13 - BIBELE Mahungu Lamanene

¹³ Hinkwavo, va funyise buwa, u fumba mintsumbu ya vona esirheni.

Xitsonga (Bibele)

¹³ U va lahla hinkwavo entshurini, U yimbela mimombo ya vona emunyameni!

Ntirho 40:13 Referans Kwoze

Esaya 2:10

Nghenani emabakweni ya maribye, ticeleleni emisaveni, mi tumbela vukari bya HOSI Xikwembu, ni ku kwetsima ka xona loku chavisaka.

Yohane 11:44

Kutani mufi a huma, a tsondzeleriwile milenge ni mavoko hi malapi, mombo wa yena wu bohiwile hi duku. Yesu a ku ka vona: “N'wi ntshunxeni, leswaku a kota ku muka.”

Pisalema 49:14

Va ta khayimeriwa exivandleni xa vafi kukota tinyimpfu, rifu ri va rona murisi wa vona; va ta rhelela esirheni, xiyimo xa vona xi ri karhi xi onhaka, va nga ha tshami etindlwini ta vuhosi.

Ntirho 36:13

“Lava vengaka Xikwembu, va tshama va xi hlundzukerile; loko xi va tshika va khomiwa, a va rili eka xona.

Ntirho 14:13

Loko a wo kota ku ndzi fihla exivandleni xa vafi, u ndzi tumbeta kona vukari bya wena byi ko byi hela, a wu ta veka nkarhi lowu u nga ta ndzi anakanya ha wona.

Estere 7:8

Loko hosi yi vuya hi le ntangeni wa muti wa yona, yi nghena laha a ku nwiwa vhinyo kona, nkarhi lowu Hamani a tiwiselaka exitshan'wini lexi Estere a a hleyamile a ri eka xona. Kutani hosi yi ku: “Xana munhu loyi ú lava ni ku tlimbeleta nkosikazi kwala mahlweni ka mina, endlwini ya mina xana?” Loko hosi ya ha ku vula sweswo, va khubumeta nhloko ya Hamani.

Ntirho 40:14

Hi kona ndzi nga ta ku dzunisa, hikuva u ta va u tilamulele hi matimba ya wena!”

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.