Ntirho 4:7 - BIBELE Mahungu Lamanene

⁷ “Tsundzuka: Munhu la nga riki na nandzu, a nge lovi, la lulameke, a nge susiwi emisaveni.

Xitsonga (Bibele)

⁷ “Wa nga tsundzuka, i mani a nga lova a nga ri na nandzu? Va kwihi lavo lulama lava nga lovisiwa?

Ntirho 4:7 Referans Kwoze

Pisalema 37:25

Ndzi vile jaha, sweswi ndzi dyuharile, kambe a ndzi si vona Xikwembu xi tshika munhu wo lulama; hambi va ri vana va yena a ndzi si va vona va kongomela swakudya.

2 Petro 2:9

Leswi swi vula leswaku Hosi ya swi tiva ku ponisa vanhu va vukhongeri eku karhatekeni ka vona, ni ku tshika vanhu lavo homboloka va ri eku biweni ku fikela siku ra ku avanyisa,

Ntirho 36:7

lava lulameke, a xi va fularheli. “Xi veka vafumi eswiluvelweni swa vona, xi va tshamisisa kona nkarhi wo leha, kambe loko va sungula ku tikurisa,

Timhaka 28:4

Loko vaaki va xihlale va vona nyoka leyi yi ri karhi yi lengalenga evokweni ra Pawulo, va byelana va ku: “Munhu loyi i mudlayi hakunene; hambiloko a ponile ematini, Tilo a ri nga pfumeri leswaku a hanya.”

Ntirho 8:20

“Tsundzuka wena Yobo, Xikwembu a xi cukumeti munhu wo tshembeka, kambe vadyohi, xi ala ku va pfuna.

Eklesiasta 7:15

Emasikwini yo koma ya ku hanya ka mina, ndzi vonile swilo leswo tala: Munhu wo lulama ú hatla a fa hambileswi a lulameke, kasi lowo homboloka ú hanya malembe eku hombolokeni ka yena.

Ntirho 36:6

Lavo homboloka, a xi va tshiki va hanya, xi lwela lava xanisiwaka,