Ntirho 39:13 - BIBELE Mahungu Lamanene

¹³ “Yimbhu yi tlharamula timpapa yi tsakile, kambe tinsiva ta kona i ta xiharhi xo kala tintswalo!

Xitsonga (Bibele)

¹³ “Yimbhu yi tlakusa timpapa yi tsakile, Kambe a hi timpapa na tinsiva ta gumba;

Ntirho 39:13 Referans Kwoze

Zakariya 5:9

Ndzi tlhela ndzi tlakusa mahlo, kutani ndzi vona vavasati vambirhi lava a va ri karhi va ta; a va ri ni timpapa to fana ni ta gumba, va hahisiwa hi moya. Kutani va fika va tlakula ngula, va ya na yona empfhukeni.

Yeremiya 8:7

Magumba ma tiva tinguva ta lembe, ni tinyanyana to fana ni matuva ni timbewulani ni minchukwana swi tiva minkarhi ya swona ya ku rhurha. Kambe vanhu va mina vona a va na mhaka ni leswi ndzi nga va lerisa swona mina HOSI.

Pisalema 104:17

Tinyanyana ti aka swisaka swa tona eka yona, magumba ma phatsama ehenhla ka yona.

Ntirho 30:29

Ndzi hundzuke makwavo wa timhungubye, tiyimbhu i vanghana va mina.

2 TIKRONIKA 9:21

Mhaka hi leswaku tingalava letikulu ta hosi Solomoni a ti rhumeriwa ematikweni ya le kule, ti fambisiwa hi malandza ya Hiramu, kutani a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

1 TIHOSI 10:22

Mhaka hi leswaku hosi a yi rhumela tingalava ta yona letikulu ematikweni ya le kule, ti longoloka ni tingalava ta hosi Hiramu. Kutani tingalava letikulu leti a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

Levhitika 11:19

ni magumba, ni tinghondho hi tinxaka-xaka ta tona; ni vagogosani, ni vamangadyana.

Levhitika 11:16

ni tiyimbhu, ni tibyatsu, ni man'an'ana, ni makhuhunu hi ku ya hi tinxaka-xaka ta wona;

Ntirho 39:12

U nga languteli tinyarhi ku vuya ni mavele ya wena; ti nge ma hlengeleti exivuyeni!

Ntirho 39:14

Loko yimbhu yi tshikela mandza, yi ma tshika ehansi, ma kufumetiwa hi dyambu emisaveni.