Ntirho 38:4 - BIBELE Mahungu Lamanene

⁴ “Xana a wu ri kwihi, loko ndzi sungula ku vumba misava ke? Leswi u twisisaka leswo tala, ndzi byele!

Xitsonga (Bibele)

⁴ “A wu ri kwihi siku ndzi akeke masungulo ya misava? Vulavula loko u ri ku twisisa.

Ntirho 38:4 Referans Kwoze

Pisalema 104:5

U tiyisile misava emasungulweni ya yona, yi nga ka yi nga tsekatseki ni siku ni rin'we.

Vaheveru 1:10

Naswona xi te: “Wena Hosi, u vekile masungulo ya misava eku sunguleni, ni matilo i ntirho wa mavoko ya wena;

Swivuriso 30:4

I mani la nga tlhandlukela etilweni, a tlhela a vuya xana? Xana i mani la nga tshama a fumbarhela moya xana; la tshamaka a phutsela mati hi nceka i mani xana, i mani la nga veka vugimamusi bya misava xana? Vito ra yena hi yena mani, ni n'wana wa yena i mani xana? Wena u fanele ku swi tiva!

Vaheveru 1:2

Kambe emasikwini lawa yo hetelela, xi vulavurile na hina hi N'wana, loyi xi n'wi vekeke ku va mudyandzhaka wa swilo hinkwaswo, loyi naswona xi tumbuluxeke tilo ni misava ha yena.

Pisalema 102:25

We HOSI, i khale u vekile masungulo ya misava, matilo i ntirho wa mavoko ya wena.

Genesa 1:1

Eku sunguleni, Xikwembu xi tumbuluxile tilo ni misava.

Swivuriso 8:22

“HOSI Xikwembu xi rhangile xi endla mina xi nga si tumbuluxa nchumu, ndzi va ntirho wa xona wo sungula;

Genesa 2:4

Leswi hi swona leswi humeleleke eku tumbuluxiweni ka tilo ni misava. Siku HOSI Xikwembu xi endleke tilo ni misava,

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Ntirho 15:7

“Xana ku lo rhanga wena u velekiwa la misaveni, a wu ri kona tintshava ti nga si tumbuluka xana?

Ntirho 34:13

Xana i mani la vekeke misava emavokweni ya Xikwembu xana? Xi lerisiwe hi mani ku hlayisa ntumbuluko ke?

Esaya 40:14

Xana HOSI Xikwembu xi tshama xi ya eka munhu leswaku a xi dyondzisa vutlhari ni ku endla leswo lulama, a xi dyondzisa vutivi ni ndlela yo kota ku twisisa timhaka, xana?

Yeremiya 10:12

HOSI Xikwembu hi xona lexi tumbuluxeke misava hi ntamu wa xona, xi veka masungulo ya yona hi vutlhari, xi vamba ni matilo ha byona.

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Ntirho 28:25

Loko xi hungisa moya hi matimba, ni loko xi pima vukulu bya lwandle,

Pisalema 102:26

Swilo leswi swi ta hela, kambe wena u ta va kona hilaha ku nga heriki. Hinkwaswo swi ta hlakala kukota swiambalo, u ta swi cukumeta ku fana ni switlakati, kutani swi ta nyamalala.

Swivuriso 3:19

Hi vutlhari, HOSI Xikwembu xi tumbuluxile misava, matilo xi ma endlile hi vutivi;