Ntirho 38:12 - BIBELE Mahungu Lamanene

¹² “We Yobo, himpfhuka u velekiwa, u tshama u vitana vurhonga, kumbe ku byi komba ndhawu ya byona ke?

Xitsonga (Bibele)

¹² “Mpfhuka u tumbuluka, u tshama u byela mixo ku humelela xana? Kumbe u byerile vurhonga laha byi nga ta tshama kona,

Ntirho 38:12 Referans Kwoze

Pisalema 74:16

Vusiku byi le mavokweni ya wena, na wona nhlekanhi wu fumiwa hi wena, u vekile dyambu ni tinyeleti etindhawini ta swona.

Ntirho 8:9

hikuva hina vanhu va manguva lawa, a hi tivi nchumu, ku hanya ka hina laha misaveni i papanyana leri hundzaka.

Genesa 1:5

Kutani Xikwembu xi thya ku vonakala xi ku i “Nhlekanhi”, munyama wona xi ku i “Vusiku”. Kutani ku va madyambu, ku tlhela ku va mixo, ri va siku ro sungula.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Luka 1:78

Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

Ntirho 38:21

Ina, wa ti tiva, hikuva u velekiwile khale, malembe ya wena, a hi ku tala ka wona!

Ntirho 38:4

“Xana a wu ri kwihi, loko ndzi sungula ku vumba misava ke? Leswi u twisisaka leswo tala, ndzi byele!

Ntirho 15:7

“Xana ku lo rhanga wena u velekiwa la misaveni, a wu ri kona tintshava ti nga si tumbuluka xana?

Ntirho 38:11

Ndzi te ka rona: ‘U ta tlhela kwala, a wu nga hundzi, magandlati ya wena layo chavisa, ma ta yima kwala!’

Ntirho 38:13

Byi voninga misava ku ya fika evugimamusi, byi hlongola vadyohi, va nga ha tumbeli.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Ntirho 24:16

Makhamba ma tshova tindlu exinyamini, loko ri xa, ma tumbela, a ma twanani ni ku vonakala.